AYUB 38:36 - Alkitab Singog In Mongondow Masa In Tanaa

³⁶ Nongkon onda in ḷagapan ibis monotaau kon toonu in Ongkag in Nil tua moponik in tubig? Ki ine in noguman kon manuk tuḷug kon monguyan?

AYUB 38:36 Referans Kwoze

AYUB 32:8

Táe inta nobogoi in pandoi kon intau, in tongábí Roho i Allah Inta Totok in mokawasa.

MAZMUR 51:6

Tongábí kon ini-Mu, tongábí kon ini-Mu binaradosa in akuoi, bo pinomiaku in onu inta inanggap-Mu moraat. Dá patusbí hukumon-Mu in akuoi, moadilbí in pononantú-Mu.

MOHOHUTUBA 2:26

Ki Allah nobogoi in hikmat, pongotahuan bo kasanangan kon intau inta mokosanang kon gina-Nea. Táe intau baradosa in pinotabá-Nea mogaid motayak kon pakéon bo mosipun kon onu inta nouḻí sin ogoi kon intau inta mokosanang kon gina i Allah. Dá, tua komintan diá in mangaḻenea naonda bo modomok kon tompot.

AMSAL 2:6

Ki Tuhanbí in mobogoi in hikmat; nongkon i-Niabí intau mokouḻí kon pongotahuan bo komomangaḻe.

YAKOBUS 1:5

Aka oyúon in kon sigad monimu in diápa totok mobijaksana; yo musti mopoigum kon i Allah, dá ogoianbí i Allah in kabijaksanaan in sia. Sin takinbí pia in gina bo tabi in ki Allah in mobogoi kon batúan in intau.

AYUB 9:4

Ki Allah tua in totokbí in moarip bo mokawasa; ki ine in mokotongod in moḷawang kon i-Nia?

IḶUAIAN 31:3

bo inogoian-Ku in sia in kawasa-Ku. Sia inogoian-Ku in pomomangaḻe, toḻidat bo kototaau kon bayongan yagi-yagi oaidan:

YAKOBUS 1:17

Pomuḷoi in oogoi inta mopia bo tombuinag inta mosompurna, namangoibí intua nongkon soroga, pinopoponag i Allah inta nomia kon bayongan inta nobayag kon ḷangit. Sia tua in ki Allah inta diá kon dodai in onda mobaḷui bo diábí doman mokopopisí in mogaid kon inta mosindip.

YESAYA 28:26

Kinotaauannea naonda in pogogaid kon tua, sin ain sinundú i Allahnea.