AYUB 38:10 - Alkitab Singog In Mongondow Masa In Tanaa

¹⁰ Akuoi in nonantú kon sigad in baḷangon bo ḷoḻingkop in podimpot-Ku.

AYUB 38:10 Referans Kwoze

YEREMIA 5:22

Akuoibí in ki Tuhan; nongonu sin diábí in moiko moondok kon i-Nakó? Mustibí in moiko mourot kon tayowon-Ku! Akuoibí inta ain nomia kon bingkí in dagat nobaḻí tonsigad in dagat inta diábí koḻimpatannea modapot in mononoi. Dagat in monomburábí bo bokoḷ in mondangatbí táe diábí mokoḻimpat kon tonsigad tatua.

MAZMUR 104:9

Sinantú-Mu in sigadnea mita inta diá motaau bayáannea, sinbá diádon bui monagom kon butá.

AYUB 26:10

Ginambar-Nea in inta noḻimbung kon tayowon in baḷangon sin mopoyotondí in bayag nongkon sindip.

MAZMUR 33:7

Bayongan in tubig kon dagat sinobatú-Nea kon tampat tobatú, baḷangon sinipun-Nea kon bonu in bandungan.

KINOBAḺIAN 9:15

yo kotoropan-Ku in dandi-Ku kon i monimu bo kon bayongan mahaḷuk inta nobiag, kon ḷunud moḷoben in diá bidon bui moyopú kon bayongan inta nobiag.

AYUB 38:9

Akuoibí in nopogoḻiung in goḷom kon dagat bo binakutnea in sindip.

AYUB 38:11

Guman-Ku kon inia, ‘Naa in sigadnea. Dika taḻibanmu! Kon naa in pogogaian in bokoḷmu mita inta moḷoben.’

AMSAL 8:29

kon tungkuḷ in Sia nomarenta kon tubig in dagat sinbá dika ḻimimpat kon tonsigadnea mita. Akuoi in kon tua doman kon dodai in aip in butá naa pinoompat-Nea.

AYUB 41:14

Ki ine in mokobuká kon tungginea inta moropot, inta nopuḻing in bagang mita mongoroton?