AYUB 36:32 - Alkitab Singog In Mongondow Masa In Tanaa

³² Sia in modomok kon kilat takin ḻima-Nea bo mopotabá monampí kon inta sinongkaná-Nea.

AYUB 36:32 Referans Kwoze

OUMAN IN RASUL MITA 27:20

Tongonumaidon nosinggai in kami diádon mokoontong kon mata in singgai, bo tundi sin tompot in umuran doman mogirup moropot. Pangabisannea diádon in harapan nami kon mosaḷamatpa.

MAZMUR 148:8

ei kilat bo uyan eis, salju bo goḷom, deḷang motorú inta dinumudui kon parenta i Tuhan!

MAZMUR 135:7

Nongkon popod in butá Sia nopoangoi in goḷom, pinomia-Nea in kilat kon uyan. Bo pinarentaan-Nea in tompot sinbá ḷumuai nongkon tampat pinotagúan-Nea.

MAZMUR 18:11

Sia in iḷumayug sinumakoi kon kerub; Sia in ḷumayug kon tudu in koḻikip in tompot.

AYUB 37:15

Kinotaauanmu degá mongo naonda in pomomarenta i Allah, dá kilat in monindar nongkon goḷom bo ḷokutoi?

AYUB 37:12

Goḷom mita in ḷumayug kon sinangkub in dunia, podudui in parenta i Allah kon i monia mayá in bayongan tampat.

AYUB 26:9

Binuni-Nea in pogot in buḷan tuḷud kon ḻikud in goḷom inta ain binuká-Nea.

AYUB 37:11

Ḷokutoi dinatogan-Nea in tubig, bo goḷom in monindar sinimbayagan in gotup.

AYUB 38:35

Bo aka iko mopotabá kon gotup mita moyodangat, degá mamangoi in mosia bo moguman, “Akuoi, Tuang!”

MAZMUR 18:15

Sia in nopopiot in piot-Nea mita bo noporarit in musung; Sia in nopotampí in kilat nopobui-buimai, bo nodapot in mosia noḷagui.