AYUB 35:8 - Alkitab Singog In Mongondow Masa In Tanaa

⁸ Tongábí tumpaḷa intau in pinorugi in dosamu mita. Sia doman in mountung sin aidmu mopia.

AYUB 35:8 Referans Kwoze

IBRANI 11:7

Popisí in nopirisaya, dá pinogumanandon i Allah in ki Nuh kon soaḷ mita inta mobaḻí kon singgai moiduduimai, inta diábí koontongannea. Ki Nuh in nopirisaya kon i Allah, dá inindongogannea in onu inta pinoguman i Allah kon inia. Pinomianea in kapaḷ inta kon singgai noiduduimai nobogoi in kasaḷamatan kon inia bo motoḷuadínea. Dunia naa i hukum i Allah, táe popisí in ki Nuh nopirisaya, dá pinoniatadon i Allah kon intaubí mopia in sia.

OUMAN IN RASUL MITA 27:24

Bo noguman, ‘Dika moondok, Paulus! Sin moyotayowbí i Kaisar in iko. Bo totuubí kon popisí in totabi i Allah kon inimu dá bayongan in intau kon kapaḷ tanaa inta noyotakinmu mosaḷamatbí komintan.’

YUNUS 1:12

Tubag i Yunus, “Pogonagdon in akuoi kon dagat, yo mogogaibí in deḷang. Sin kinotaauankudon in tanaa, kon akuoibí in nokopopisí kon i monimu dinumpak in deḷang inta motoyang tanaa.”

YEHEZKIEL 22:30

Kon sigad in intau in Israel tua, tayakon-Ku in intau inta mokoposindog in dinding, andeka simindog kon tampat mita inta dindingnea ain noumpag sin moḷukad kon butá tatua aka Akuoi morimumudon kon tua popisí in torú-Ku; táe diá tobatúmai in intau in nouḻí-Ku.

MOHOHUTUBA 9:18

Hikmat in mobara-baraguna nongkon ḷoḷutam, táe aid moraat topiḻik mokogoguyaat kon aid mopia mobayong.

MAZMUR 106:30

Táe ki Pinehas in sinimindog bo nohukum kon inta kotaḷá, dá nogogaidon in yampoi tatua.

MAZMUR 106:23

Dá niaton i Allah yopúon in umat-Nea, táe inimaḷowan i Musa, intau inta piniḻí-Nea. Ki Musa in nobaḻí tonsigad kon i monia, dá noonow in torú i Allah.

AYUB 42:8

Dá, gamádon in tanaa sapi koḷakian pitu bo domba koḷakian pitu, bo bayádon kon i Ayub. Bo posumbadon intua komintan mobaḻí kuruban payongon kon inimu. Sambayangan i Ayub in moiko bo tarimaan-Ku in sambayangnea. Moiko in diábí pokopooyáan-Kumai, umpakabí patus in moiko motarima kon hukuman. Diá inouman monimu kino banar ki ine in Akuoi, ná inta inouman i Ayub.”

YOSUA 22:20

Torop, in ki Akhan ki adí i Zerah in doí dinumudui kon parenta i Tuhan soaḷ pakakat mita inta musti ḷoḷangon, bo onu in nobaḻí? Bayongan umat in Israel i hukum! Bokaka inta dinosa in tongábí ki Akhan, táe inta minatoi in deemanbí tongá sia-sia mita!”

KINOBAḺIAN 19:29

Natuata, tungkuḷ in ki Allah nomokak kon kotá mita tatua bo ḷopá inta pinogutunan i Lot, kinotoropan i Allah in ki Abraham bo sinuḷungan-Nea in ki Lot noḷagui.

KINOBAḺIAN 12:2

Akuoi in mobogoi kon inimu in buí inta mobarong bo mosia in mobaḻí bangusa inta moḷoben. Iko in barakatan-Ku, bo baḻíon-Ku in tangoimu ponango-nangoian in bayongan intau kon dunia naa, sahingga iko in mobaḻí barakat.

AYUB 35:7

Pinongin aidmu mopia, ki Allah in diábí sinuḷunganmu. Totuu, Sia in diábí moparaḷu kon onu bo onu kon inimu.

AYUB 35:9

Intau mita inta dinorot, in kumarakbí; mosia in momaḷú mokituḷung.