AYUB 34:9 - Alkitab Singog In Mongondow Masa In Tanaa

⁹ Sia in noguman, kon diábí in mangaḻenea aka sia bo moḷongasi mogaid kon ibog i Allah.

AYUB 34:9 Referans Kwoze

AYUB 35:3

Nohilap in iko aka moḻibó, onu in pongaru in dosamu kon i-Nia; bo kauntungan onu in tarimaanmu aka iko bo diá nogaid kon dosa.

MALEAKHI 3:14

Moiko in noguman, ‘Diábí in mangaḻenea in mogundoi kon i Allah. Onubí in baragunanea in mopobayá in oaidan naton kon i Tuhan Inta Totok in mokawasa, andeka mopoontong kon i-Nia kon kita in nomanasaḷdon kon aid naton inta noitaḷá?

MAZMUR 37:4

Tayakdon in kopiaanmu kon i Tuhan, Pooropon-Neabí in ibog in ginamu.

AYUB 27:10

Musti in sia mopoimoḷat mako kon kobobiag mopia nongkon i Allah, bo diá moḷopi-ḷopí in mosambayang kon i-Nia.

AYUB 22:17

Mosia tuata inta mokobaḻí mogindoí kon i Inta Totok in mokawasa, bo kainia kamai diábí in Sia mokoaid kon onu bo onu kon i monia.

AYUB 21:30

Guman monia, “Kon singgai ki Allah nopoḷabú in hukuman, intau mita moraat in posaḷamatonbí.”

MAZMUR 50:18

Aka ontongon-Mu in mononakow, dumudui in iko kon inia, bo iko in moyobayat in intau mita inta moibog monuaḻing.

MAZMUR 73:13

Diábí in mangaḻenea in akuoi moḷukad sinbá ginaku modarit; diábí in mangaḻenea in akuoi yumayú kon dosa.

AYUB 22:3

Degá oyúon in mangaḻenea kon i Allah aka iko mogaid kon kinoibog-Nea? Oyúon degá in untung kon i-Nia, aka kobobiagmu diá in bogitnea?

YESAYA 58:3

Bangusa tatua in moḻibó, “Onu in mangaḻenea in mopuasa aka diá ontongon i Tuhan? Onu in mangaḻenea in kita in tumonsiup aka diá in Sia moindoimai?” Ki Tuhan in moguman, “Totuubí, kon dodai in moiko koyogot in mopuasa, moiko in motayak kon kauntungan tontaní bo momakisa kon intau mita inta sinokotondananmu.