AYUB 34:36 - Alkitab Singog In Mongondow Masa In Tanaa

³⁶ Aka tosingogon mita i Ayub bo taridionmai, yo moniatadon kon singognea tua in naonda bo intau moraat.

AYUB 34:36 Referans Kwoze

YAKOBUS 5:11

Mosia in sinangoi nosanang sin notaba. Dinongogdon monimu in soaḷ kososabar i Ayub, bo kinotaauan monimu kon pangabisannea binarakatan i Tuhan in sia. Sin tabi i Tuhan in totok moḷoben bo Sia in mopia in gina.

MAZMUR 26:2

Taridiaidon in akuoi, o Tuhan, bo tungkuḷaidon in akuoi, tarididon in ibog bo raianku.

MAZMUR 17:3

Aka ujion-Mu in ginaku bo mamangoi monaridi kon inakó kon dodai in doḷom, yo mouḻí-Mubí kon motuḻid in ginaku; onu in siningogku noitombutungbí kon onu in iraiku.

AYUB 24:1

Nongonu sin ki Allah in diábí nonantú kon singgai pohakiman, sinbá intau mita inta nonotaau kon i-Nia in mokouḻí kon koadilan?

AYUB 23:16

Inta Totok in mokawasa nonginggamá kon bayongan in baraniku. Akuoi in moondok sin ki Allah, deemanbí popisí in sindip, umpaka sindip tua in moḻipung kon inakó, bo mogoḻingoi kon pogotku.

AYUB 22:15

Degá iko in tantú doman moibog tumaḻib kon daḷan inta piniḻí in intau mita inta moraat?

AYUB 21:7

Nongonu sin intau moraat inogoibí i Allah mobiag moonggot, bo kapunyaan monia in umuranbí kodugang-kodugang?

AYUB 12:6

Táe kobiagan in mogogagow diábí ginogondok; intau inta mokobaḻí monontot kon i Allah, mobiag motompia. Bokaka dewa inta pongata-ngata monia, tongábí ropot monia tontaní.

AYUB 34:37

Taḷánea in dinugangandon in tobatú dosa; sia in nomarontak kon i Allah, bo noningkuḻe kon i-Nia kon tayowon naton.