AYUB 34:32 - Alkitab Singog In Mongondow Masa In Tanaa

³² Degá nopoigumdon in iko sinbá poontong-Neadon in taḷámu? Nongibotdon degá in iko kon diádon mogaid kon tua?

AYUB 34:32 Referans Kwoze

MAZMUR 32:8

Guman i Tuhan, “Akuoi in motundúbí kon daḷan inta musti bayáanmu, iko in kapiton-Kubí bo tongginaan-Ku.

MAZMUR 19:12

Mogogundoi-Mu naa in bagupa inogoian in tompoingat in bayongan tatua; bungai in pinogaidan sinadia kon intau inta notoindudui kon tua.

AMSAL 28:13

Ki ine in mobuni kon dosanea diábí momujur. Ki ine in mongaku bo monaḷámaidon, kotabibí i Tuhan.

AYUB 35:11

bo inta nobogoi kon intau in raian noiḻiu kon ḷagapan mita bo biag kon dunia.

AYUB 10:2

Oo Allah, dikadon in akuoi potaḷáan-Mu; insilangaidon nongonu sin akuoi in iḷawang-Mubí.

EPESUS 4:22

Manangka intua taḷaaidon in aid monimu koḻipod inta dinumudui kon kobobiag koyongan inta ain pinoguyaat in bayongan ibog mokobaradosa.

AYUB 33:27

Dá kon tayowon in intau moantó sia in moguman, ‘Inta moraat inanggapku mopia, moḷobenbí in dosaku, tongá ki Allah in diábí nohukum kon inakó.’

AYUB 34:31

Ayub, degá dosamu kon i Allah inakumudon? degá ain nodandi in iko kon diádon bui mogaid kon dosa?

HOSEA 14:8

Mosia in mobuibí mangoi kon i-Nakó bo mogutun kon bonu in siungon-Ku. Totokbí in motoyong kotomomanan monia, naonda bo gandum inta mobiag kon gobá inta noḷumbá bo naonda bo gobá in anggur. Naonda bo tubig in anggur in Libanon tangoi monia in ponango-nangoiandon.

KINOBAḺIAN 38:26

Kinotaauan i Yohuda in barang mita tatua bo sia in noguman, “Bobay tatua diábí kotaḷá. Diádon inaidanku in onu inta patus aidanku kon inia; sabanarnea sia in mustibí popobuḷoiku kon i adíku ki Syela.” Bo ki Yohuda diá bidon dodai onda nosiug takin bobay tatua.

PINOGIAPAN 22:34

Guman i Bileam kon malaekat i Tuhan, “Binaradosadon in akuoi. Diábí kinotaauanku kon ki Tuang sinimindog kon yuak in daḷan sin moḷamboi kon bayáanku. Táe naa, aka kon raian i Tuang bo diábí mopia aka akuoi mayá intua, dá mobuidon in akuoi.”

MAZMUR 19:13

Diábí in mokomangaḻe kon kinoḷaḻeannea; Tuhan, poḷuatdon in akuoi nongkon taḷá inta noibuni.

YEREMIA 8:6

Inindongogan-Kudon kinopia, táe moiko in diábí nosingog noitutui. Diábí tobatúmai in kon sigad monimu in nomanasaḷ sin nogaidon kon inta moraat. Diábí in moguman, ‘Onu in taḷáku?’ Moiko komintan in dinumudui kon daḷanmu tontaní naonda bo kabaḷo nonubu kon pinoparangan.