AYUB 34:28 - Alkitab Singog In Mongondow Masa In Tanaa

²⁸ Mosia in nokopopisí kon inta nobogá morogamui ombaḷ monia inindogogan i Allah.

AYUB 34:28 Referans Kwoze

YAKOBUS 5:4

Diá inuboḻian monimu in gaji in intau mita inta nogaid kon gobámu. Tanaa indongogaidon in amui monia! Intau mita inta nosipun kon hasil in gobámu, kinumarak nokituḷung bo karak monia tua ain kinodongogan i Allah, Tuhan inta Totok in Mokawasa.

AYUB 35:9

Intau mita inta dinorot, in kumarakbí; mosia in momaḷú mokituḷung.

IḶUAIAN 3:7

Bo ki Tuhan noguman, “Inontong-Kudon in roriga in umat-Ku kon Mesir, bo dinongog-Ku domandon in mosia mopoigum sin poḷúat nongkon pinononggataan kon i monia. Ain bidon kinotaauan-Ku in roriga monia.

MAZMUR 12:5

inta moguman, “Kami in mongawasa takin dilá nami! Onukabí motaaubí singogon nami, bo diábí in mokoḷamboi!”

IḶUAIAN 3:9

Amui in bangusa Israel dinongog-Kudon, bo inontong-Ku doman naonda in pinononggata in bangusa Mesir kon i monia.

YESAYA 5:7

Sin gobá in anggur i Tuhan Inta Totok in Mokawasa in umat in Israel, bo intau mita in Yohuda in pangkoi in anggur inta pinomuḷa-Nea. Kon i monia iharap-Nea mako in aid inta moadil, táe tongábí aid moraat. Kon bonu in kamang-Nea mosia in moposindogbí in inta mobanar, táe tongábí oyúon in karak moigum kon koadilan.

AYUB 24:12

Kon kotá mita kodongogandon in amui in intau inta dongkadon oḷaton, intau mita inta pinaḻían nokuani mokituḷung, táe ki Allah in diábí nokidongog kon sambayang monia; Sia in doíbí mopandungmai kon i monia.

ULANGAN 15:9

Dika in iko doí mopoḷuan kon inia poḷat moguman kon taong pomopatan kon boḻi motoyongdon. Dika pomayá mako in raian moraat natua mongawasa kon ginamu. Aka moiko doí mopoḷuan, intau tatua in mokuanibí kon i Tuhan sin mopongadu kon i monimu, dá moiko in poniatadon kon kotaḷá.

AYUB 5:15

Táe ki Allah in noposaḷamat: kon intau nobogá nongkon kopatoian, kon intau inta moyangkó nongkon pinononggataan.

AYUB 8:6

aka ginamu mojujur, diá in noitaḷá, ki Allah in ḷagibí motuḷung kon inimu, bo mobaḻí tontuḻínea, tonibuḷoimu in buidon tompiaan.

AYUB 22:27

Aka iko in mosambayang, Sia in motubag kon inimu, bo iko in motaaudon mogintompod kon bayongan in dandimu.

AYUB 33:26

Aka mosambayang in sia, ki Allah in motabibí kon inia, dá sia in modayow kon i Allah takin ḷunganga in gina bo tompiaandon bui i Allah in kobobiagnea.

AYUB 34:29

Aka ki Allah in monantúdon kon tongá kibio-biómai, diábí tobatúmai in intau mokobaḻí mosingog kon i-Nia. Aka mogadop in Sia, diábí tobatúmai intau in mokouḻí kon i-Nia.

OMBAḶ 3:56

Totok in poigumonku kaasí dikapa momompon kon bongoḷan-Mu kon onu inta poigumonku sinbá Iko in motuḷung kon inakó. Dá sambayangku in inindongogan-Mudon, bo Iko in namangoi dinimiug; iko in noguman, ‘Dika moondok.’

IḶUAIAN 22:22

Donaai mopomia ibog-ibog kon i monia inta dongkadon boba-bobay bo adí mita inta uno-unon.

MAZMUR 5:3

Indoiaipa kaasí in oigumku bo tuḷungaipa in akuoi, o Datuku, o Allahku.