AYUB 34:27 - Alkitab Singog In Mongondow Masa In Tanaa

²⁷ Sin, mosia in diá dinumudui kon ibog-Nea bo diá mokidongog kon parenta-Nea mita.

AYUB 34:27 Referans Kwoze

SAMUEL 1 15:11

“Nomanasaḷdon in akuoi sin noduídon kon i Saul nobaḻí datu, sin sia in nonoḻikudon kon i-Nakó, bo doídon dinumudui kon parenta-Ku.” Noajar totok in gina i Samuel, bo kinoouputbí in doḷom sia nopoigum in totabi kon i Tuhan.

YESAYA 5:12

Kon bobutunganmu mita oyúon in singog in kecapi, gambus, rebana bo bansí bo monginum kon anggur. Táe diábí pinandungmai monimu onu in pinomia i Tuhan bo onu inta inaidan-Nea.

MAZMUR 28:5

Mosia in diábí nopandungmai kon inta pinomia i Tuhan, andeka onu inta pinomia-Nea. Dá Sia in mohukumbí kon i monia, bo moyopú kon i monia modapot in mononoi.

IBRANI 10:39

Kita naa in deemanbí umat inta mobaḷu-baḷui in pirisaya bo inta diá koharapan. Táe umatbí inta mopirisaya kon i Allah bo inta posaḷamaton.

TIMOTIUS 2 4:10

sin ki Demas ain nonaḷámai kon inakó sin moḷobe-ḷobenbí in tabinea kon in dunia. Sia ain minayá in Tesalonika, ki Krekes minayá in Galatia, yo ki Titus in minayádon in Dalmatia.

OUMAN IN RASUL MITA 15:38

táe irasa i Paulus kon diá mopia in modia kon i Markus inta doí mogaid moyotakin bo nonaḷámai kon i monia kon Pampilia.

ZEPANYA 1:6

Yompaton-Kubí in mosia inta diá namangoi kon i-Nakó andeka inta mokikapit kon i-Nakó bo inta ain nonaḷámai kon i-Nakó bo doídon dumudui kon i-Nakó.”

YESAYA 1:3

Sapi in kotaauanneabí in kitoginea, keledai in monotaaubí kon tampat pongogaanan inta sinadia i tuangnea. Táe umat-Ku Israel in diá; diábí in mosia nonotaau intua.”

MAZMUR 125:5

Táe intau inta motombogá igumon mako in hukumon i Tuhan poyotakinon in intau moraat. Igumon mako umat-Mu mobiag motompia!

MAZMUR 107:43

Igumon mako intau mobijaksana in morai kon bayongan intua bo akúon monia kon ki Tuhan in umuranbí motabi.

AYUB 21:14

Bokaka mosia in nogumandon kon i Allah, “Pokoyayúdon kon inami bo bayádon! Kami in doíbí mopandungmai bo doíbí motayak kon mangaḻe in makusud bo ibog-Mu kon kobiagan nami.”

AMSAL 15:10

Intau inta mogaid kon inta moraat in rorigaanbí; intau inta doí toboḷowon in matoi.

YESAYA 1:28

Táe intau mita binaradosa inta nomarontak kon i-Nia in yopúon-Neabí, bo bayongan inta nonaḷámai kon i-Nia in yompatonbí.

YEREMIA 2:17

Iko tontaní in nokopopisí kon bayongan inta nobaḻí kon inimu, sin kon tungkuḷ in iko kinapit-Ku kon binayáan, iko in nonoḻikud kon i-Nakó, Ki Tuhan Allahmu.