AYUB 34:22 - Alkitab Singog In Mongondow Masa In Tanaa

²² Diábí in sindip, umpakabí mopungit totok, in mokobuni kon intau baradosa.

AYUB 34:22 Referans Kwoze

IBRANI 4:13

Diábí tobatúmai in mahaḷuk in diá ontongon i Allah. Bayongan yagi-yagi komintanbí ontongon-Nea mako motarang kon tayowon-Nea. Bo mustibí tanggung jawab bo naton kon tayowon-Nea.

AMSAL 10:29

Ki Tuhan in moḷukad kon intau motuḻid in gina, táe moyopú kon intau inta mogaid kon inta moraat.

YEREMIA 23:24

Diábí tobatúmai in mokopogadop kon i-Nakó, sin Akuoi in oyúonbí kon bayongan tampat: kon soroga bo kon dunia.

AYUB 3:5

Baḻídon in singgai tua mosindip totok, pungit totok, moḷobog bo modingungui; puḻingaidon in goḷom mita, oḻingoiaidon nongkon sindar in mata in singgai.

KORINTUS 1 4:5

Popisí in deemanpabí wakutunea dá dika ḻimika-ḻikat in mohakim kon intau, kotaḷá andeka diá. Oḷatdon dapot moiangoi in ki Tuhan. Bambí Sia in mobuká kon onu inta nongoibuni kon sindip bo mobuká kon onu inta kon bonu in gina mita in intau. Bain kon wakutu in tuata bo duíon i Allah in intau mita podudui in oaid mita monia.

LUKAS 13:27

Bo Sia in bui motubag kon i monimu, ‘Diábí kinotaauan-Ku mongo nongkon onda in moiko. Bayádon nongkon naa, moiko intau mita inta nogaid kon mongoraat!’

MATIUS 7:23

Kon dodai intua, Akuoi in moguman taran-tarangan kon i monia, ‘Diábí kinotaauan-Ku in moiko! Bayádon pokoyayú kon i-Nakó, sin moiko komintan in intau inta nogaid kon inta moraat!’ ”

YESAYA 29:15

Moboditodon in intau inta moḷongasi mobuni kon tomayánea kon i Tuhan! Mogaid in mosia takin umuni-uni, bo kai monia kamai diábí tobatúmai in nokoontong andeka nonotaau kon onu inta ain inaidan monia.

YESAYA 9:2

Tuhan, inogoian-Mu in mosia in ḷunganga moḷoben, Binaḻí-Mu in mosia norogiow. Nopia totok in gina monia popisí in kopopia-Mu, naonda bo intau inta noḷunganga in gina kon tungkuḷ in nosipun kon bungai in boyó, andeka nosilai kon inta inagow kon parang.

MAZMUR 5:5

Iko in Allah inta doí kon inta aid moraat; inta moraat in diábí motaau in mamangoi kon ini-Mu.

AYUB 31:3

Bodito bo roriga in notantúbí kon poangoi-Nea kon intau inta nogaid kon inta moraat!

AYUB 24:17

Aka kon inia, doḷo-doḷom tua in totokbí in mokoondok, táe doḷom inta sindip totok, in mokosanangbí.”

AYUB 3:13

Aka kuma bo kon dodai intua akuoi bo minatoidon, dá nosiugbí in akuoi bo nogogai takin pia-pia,

AYUB 10:21

Diádon moonggot mayá in akuoi bo diádon mobui mangoi, mopobayá in dunia inta mosindip bo modingungui totok,

AYUB 11:20

Táe intau moraat in moindoibí takin motoboḻingo, sin kon i monia in diábí in totuḷung. Totobatú in kamang monia tuata in popatoi ḷagidon moiangoi.”

AYUB 38:17

Nokoimontandon degá in intau nopoontong kon inimu in ḷoḷuang kon tayowon in dunia in intau minatoi inta sindip totok?

SAMUEL 2 12:12

Inumado-adopdon in iko bo nogaid kon dosa, táe poniata-Kubí in tosingogon-Ku tatua koonto-ontong in bayongan intau in Israel.’ ”

AYUB 10:14

Iḷukadan-Mu in akuoi dika-dikabo mogaid kon noitaḷá sinbá diá ogoian-Mu in pongampungan.

AYUB 12:22

Sinimbayagan-Nea in tampat mita inta nodingungui; sinindaran-Nea in oḻinow mita inta morondí bo mosindip.

AYUB 22:13

Táe iko in moḻibóbí, “Onubí in kotaauan-Nea? Sia in kon ḻimako in goḷom bo diábí motaau monisig kon inaton.”

YEREMIA 16:17

Akuoi in nokoontong kon bayongan inta inaidan monia. Diábí in noibuni kon i-Nakó; dosa doman mita monia ain inontong-Ku.