AYUB 34:14 - Alkitab Singog In Mongondow Masa In Tanaa

¹⁴ Aka kuma bo ki Allah in morabut kon nyawa in intau, bo mogamá bui kon tompot kobiagannea,

AYUB 34:14 Referans Kwoze

MAZMUR 104:29

Aka iko monoḻikud, moondok in mosia; aka gamáan-Mu in poginaannea, matoi in mosia, bo mobaḻí bui ḷobud naonda bo dungkuḷ.

AYUB 9:4

Ki Allah tua in totokbí in moarip bo mokawasa; ki ine in mokotongod in moḷawang kon i-Nia?

YESAYA 24:22

Mosia in sipunonbí moyotakin naonda bo intau mita in ponjara kon bonu in bubú, bo pobonu kon ponjara modapot in moiangoi in wakutunea hukumon.

AYUB 7:17

Nongonu sin intau in mopontingbí kon ini-Mu? Nongonu sin dodianea in umuranbí taridian-Mu?

AYUB 12:10

Sia in nonompia kon kobiagan in bayongan mahaḷuk; Sia in kitogi kawasa kon nyawa in batúan intau.

MAZMUR 90:3

Iko in nopotabá kon intau mobui nongkon kinobaḻiannea, mobaḻí ḷobud naonda bo dungkuḷ.

MOHOHUTUBA 12:7

Awak naton in mobuidon, mobaḻí ḷobud kon butá. Tompot kobiagan naton in mobuidon kon i Allah. Sia in nobogoi noponotabi.