AYUB 33:30 - Alkitab Singog In Mongondow Masa In Tanaa

³⁰ sinbá Sia in motaau moposaḷamat kon intau bo mobogoi in kopiaan kon kobiagannea.

AYUB 33:30 Referans Kwoze

MAZMUR 56:13

Akuoi in mogintompodbí kon dandiku kon ini-Mu, o Allah, bo moposumba in kuruban sukur kon ini-Mu.

YESAYA 38:17

Robonoḷ in ginaku in mobaḷuibí mobaḻí ḷunganga in gina, Iko in moposaḷamat kon inakó nongkon anib; dosaku mita inampungan-Mudon komintan.

AYUB 33:28

Inimaḷowan i Allah in akuoi in mayá kon dunia in intau minatoi, dá nobiagpa in akuoi in tanaa.

OUMAN IN RASUL MITA 26:18

mobuká kon mata monia, sinbá mobuká in mata monia bo mokoontong kon inta mobayag; bo diádon kopongaruan in Ibilis táe tongádon tantú kon bonu in kawasa i Allah. Sin aka mopirisaya kon i-Nakó, yo dosa mita monia in tokoampunganbí bo mobaḻíbí umat mita inta piniḻí i Allah in mosia.’ ”

YOHANES 8:12

Ki Yesus in buipa doman noguman kon i monia, “Akuoi naa in bayag in dunia. Intau inta dumudui kon i-Nakó in diá bidon sia mayá kon bonu in sindip, táe oyúondon in bayag kon kobiagannea.”

YESAYA 2:5

Ei, buí i Yakub, igai in kita dumudui kon bayag i Tuhan!

AYUB 33:24

Takin tabi in malaekat tatua in moguman, ‘Buḻiaidon in sia, diábí motaau in sia moponag kon dunia in intau minatoi. Naa in doit potobut, sinbá moiḷuatdon bui in sia.’

AYUB 33:18

Diábí pinomayá-Nea mako kinoantugan in inta mokobodito; inoḻingoian-Nea in mosia nongkon kopatoian.

AYUB 33:31

Dá indongogaidon Ayub, buká in bongoḷan kibio-biómai, akuoipa in mosingog in naa.

MAZMUR 13:3

Modapot in toonu in akuoi musti mobaba kon roriga, bo moajar in gina kinoouput in singgai? Modapot in toonu akuoi kawasaan in musung?

MAZMUR 49:19

Nodapot in aka intau tobatú nobiag nokouḻí kon kobiagannea, bo dinuí-duí popisí in inta nouḻínea,

MAZMUR 107:20

Sia in nongundam kon i monia pinodoyon kon parenta-Nea, bo nopoḷagui kon i monia nongkon bubú in poḷoḷobongan.

ZAKHARIA 9:11

Ki Tuhan in noguman kon umat-Nea, “Pinodoyon kon dodandian inta pinomia-Ku takin i monimu, dodandian inta pinosah in dugú in kuruban sosumba, poḷuat-Kudon in rayatmu inta nororiga kon pinoḷumbúan naonda bo intau inta kon bonu in parigí inta noingkag.