AYUB 33:26 - Alkitab Singog In Mongondow Masa In Tanaa

²⁶ Aka mosambayang in sia, ki Allah in motabibí kon inia, dá sia in modayow kon i Allah takin ḷunganga in gina bo tompiaandon bui i Allah in kobobiagnea.

AYUB 33:26 Referans Kwoze

MAZMUR 50:15

Pokuanidon kon i-Nakó kon dodai in koantugan in bodito, Poḷuaton-Kubí in moiko, bo moiko in modayowbí kon i-Nakó.”

MAZMUR 30:5

Podondongdon in dondong dodayow kon i Tuhan, ei umat inta motoindudui, bo posukurdon kon i Inta Totok in motusi.

OUMAN IN RASUL MITA 9:11

Dá ki Tuhan in noguman kon inia: “Pobuatdon tanaa mako. Bayádon kon baḷoi i Yudas bo pongin daḷan inta sinangoian Daḷan Motuḻid. Ḻibó kon tua intau inta ki Saulus in tangoinea. Sia tua intau in Tarsus. Koyogot mosambayang in sia intua,

OUMAN IN RASUL MITA 2:28

Iko in ain nopotaau in daḷan mopobayá in kobiagan mononoi kon inakó. Moḷunganga totok in ginaku sin Iko in umuran kotaki-takinku.’

YESAYA 30:19

Ei moiko inta nogutun kon Yerusalem, moiko in diábí tantú mongombaḷ. Ki Tuhan in monotabibí, bo ḷagidon motubag kon i monimu aka moiko mokuani mokituḷung kon i-Nia.

YUDAS 1:24

Ki Allah, inta mokosanggup moḷukad sinbá moiko diá moḷabú, bo inta mokosanggup modia kon i monimu mayá in tampat pomomarentaannea inta momulia takin gina mosanang bo modarit.

IBRANI 11:26

Irai Musa kon diábí nongonu in singkuḻeon sin mopirisaya kon i Datu Mopoposaḷamat inta pinodandi i Allah dika in mokouḻí kon bayongan kapunyaan kon butá in Mesir, sin iharap mako i Musa tua in kapunyaanbí kon singgai moiduduimai.

YEREMIA 33:3

“Pokuanidon kon i-Nakó, dá tubagan-Kubí; potaau-Kubí kon inimu in soaḷ mita inta mopia bo inta mokotongaw inta diápa kinotaauanmu.

AMSAL 24:12

Motaaubí in iko moguman, “Tua in deemanbí totaauku.” Táe ki Allah in noindoi mako kon inimu. Kinotaauan-Neabí bo adilon-Nea in raianmu. Sia in motuḻí kon intau podudui in aidnea.

MAZMUR 91:15

Aka sia bo mokuani kon i-Nakó, Tubagan-Kubí. Kon tungkuḷ in koantugan in susa, tuḷungan-Kubí in sia; sia in popaḷuputon-Kubí bo ogoian-Ku in kahoromatan.

MAZMUR 67:1

Kon i itoi in mododondong. Takin ito-itog kecapi. Mazmur.

SAMUEL 1 26:23

Ki Tuhan in momarakat kon bayongan in intau inta mosatia bo motuḻid in gina. Sin umpakabí singgai naa ki Tuhan ain noposarakan kon i Tuangku kon bobantung naa, táe bobantung naa in doíbí momia kon inta moraat kon i Tuang datu, datu inta piniḻí i Tuhan.

MAZMUR 62:12

Kotongonumaidon in dinongogku in ki Allah noguman kon kawasa in nongkon i-Niabí,

MAZMUR 28:6

Dinayo-dayowdon in ki Tuhan, sin Sia in nokidongogdon kon oigumku.

MAZMUR 18:20

Sia in nopoḷuat kon inakó nongkon anib bo noposaḷamat kon inakó popisí in kinoibog-Nea in akuoi.

MAZMUR 16:11

Sinundú-Mu kon inakó in daḷan kobiagan; kon ini-Mu akuoi mokouḻí kon pia in gina inta diá in poḻiuan bo pia in gina modapot in mononoi.

AYUB 34:28

Mosia in nokopopisí kon inta nobogá morogamui ombaḷ monia inindogogan i Allah.

AYUB 34:11

Sia in mohukum kon intau podudui in aidnea, mopoaid kon inia podudui in dodianea.

TAWARIKH 2 33:19

Kon bonu in buk Ouman in Nabi mita pinais domandon in sambayang i Manasye bo tubag i Allah kon sambayang tatua, bo ouman in dosanea mita kon dodai in sia diápa nogogai in nogaid kon dosa, tampat mita pososumbaan kon berhala bo patong mita i Dewi Asyera inta pinomianea, bo berhala mita inta sinumbanea.

AYUB 33:25

Awaknea in mobaḻídon moropot totok mopia ná awak in tayowmobiag.

MAZMUR 50:14

Posumbadon in kuruban sukur kon i Allah, intompodaidon in dandimu kon i Inta Totok in moḷantud.

AYUB 19:27

Matakubí tontaní in poindoiku kon i-Nia, bo kon inakó Sia in mobaḻí yobayat. Nonakit totok in ginaku sin moiko in moguman,