AYUB 33:25 - Alkitab Singog In Mongondow Masa In Tanaa

²⁵ Awaknea in mobaḻídon moropot totok mopia ná awak in tayowmobiag.

AYUB 33:25 Referans Kwoze

MAZMUR 103:5

Sia inta nopoorop kon kobiaganmu in inta mopia, dá iko in umuran moguod naonda bo ḷagapan boniá.

DATU MITA 2 5:14

Tuamai in minayádon in ki Naaman kon Ongkag in Yordan, bo noponag kon tubig tatua poḷat dinumoḷop kopitu ná inta pinoguman i Elisa. Dá nopiadon in ki Naaman. Nosehatdon bui in awaknea naonda bo awak in tayowmobiag.

ULANGAN 34:7

Ki Musa minatoi kon dodai in umur mogatut bo doyowa nopuḷú notaong. Ropotnea in diábí nogaat bo matanea umuranpabí doman motarang.

AYUB 42:16

Nopaḷut mako in bodito tatua ki Ayub in nobiagpa mogatut bo opat nopuḷú notaong in koonggotnea, dá nokoontongpa in sia kon i ompunea mita nodapot kon ompu kon duḷud.

HOSEA 2:15

Gobá mita in anggurnea in pobuion-Kubí bui kon inia, bo Ḷopá in Roriga in baḻíon-Ku ngara pongamangan. Kon tua sia in motomu kon i-Nakó ná kon tungkuḷ in sia noguodpa, kon tungkuḷ in sia bagu iḻumuai nongkon Mesir.

AYUB 33:24

Takin tabi in malaekat tatua in moguman, ‘Buḻiaidon in sia, diábí motaau in sia moponag kon dunia in intau minatoi. Naa in doit potobut, sinbá moiḷuatdon bui in sia.’

AYUB 33:26

Aka mosambayang in sia, ki Allah in motabibí kon inia, dá sia in modayow kon i Allah takin ḷunganga in gina bo tompiaandon bui i Allah in kobobiagnea.