AYUB 31:26 - Alkitab Singog In Mongondow Masa In Tanaa

²⁶ Diábí dodai in onda in sinumbaku in mata in singgai inta nonindar andeka buḷan inta nonimbayag nodarit.

AYUB 31:26 Referans Kwoze

YEHEZKIEL 8:16

Dinia-Nea in akuoi kon dangkuḷon kon bonu in Baḷoi Tuhan. Kon diug in ngara tuotan kon yuang motusi, kon sigad in mezbah bo lorong, doyowa nopuḷú bo ḻima in intau. Mosia in nonoḻikud kon yuang motusi, bo dinumokó sinumayow kon pomukaan bo nosumba kon mata in singgai inta momuká.

ULANGAN 4:19

Dikadon baradosaan popisí in mosumba bo mogundoi kon onu inta inontong monimu kon ḷangit: mata in singgai, buḷan bo tundi mita. Pinomayá mako i Tuhan Allahmu in bangusa mita ibanea nosumba kon tua mita.

ULANGAN 17:3

bo parenta-Nea takin nosumba bo nogundoi kon ilah mita ibanea ande kon mata in singgai, buḷan ande tundi mita,

YEREMIA 44:17

Bayongan inta ain pinodandi nami, in aidanbí doman nami. Kami in umuranbí moposumba in kuruban kon i Bokí in Soroga, bo mopobutak in tubig in anggur mobaḻí sosumba kon inia ná inta biasamai pomiaan kon kotá mita in Yohuda bo kon daḷan mita kon Yerusalem in mogoguyang nami, in datu mita bo in pojabat mita in pomarenta nami bo inami tontaní. Kon dodai intua kon inami in tugatbí in kaanon, kami in nobiag notompia, bo diábí in roriga onu bo onu nion.

YEREMIA 8:2

deemanbí sipunon bo ḷobongon bui, táe pomayádon mako kon butá nobaḻí apat. Tuḷan in intau mita tatua in moiraritdon kon sindar in mata in singgai, in buḷan bo in tundi mita inta binaḻí monia dewa, inta kinotabi, inundoi, sinumba bo poiguman kon topotundú.

DATU MITA 2 23:11

Bayongan in kabaḷo inta ain sinontaní in datu mita in Yohuda sin pakéon posumbaan kon mata in singgai in iḷumbú, bo kereta mita inta pinaké kon posumbaan tua in sinubá doman. (Kereta mita tatua in kon bosí in Baḷoi Tuhan – kon diug in ngara – diá noyayú nongkon yuang mita pogogutunan i Natan Melekh, pogawai moḷantud tobatú.)

DATU MITA 2 23:5

Pinopogogaineadon in imang mita inta ain dinuí i datu mita in Yohuda sin mopobayá in oaidan kon tampat pososumbaan kon dewa kon kotá mita in Yohuda bo kon diugmai in Yerusalem; bo imang mita doman inta noposumba in kuruban kon i Baal, mata in singgai, buḷan, pakakat mita in ḷangit bo tundi mita.

ULANGAN 11:16

Dika in moiko moibog poyayúon nongkon i Tuhan sin mosumba bo mogundoi kon ilah mita ibanea.

AYUB 25:5

Kon i Allah, nodapot in buḷan diábí notarang, bo tundi in inanggapneabí nokudow.

AYUB 31:27

Diábí kon dodai in onda in akuoi noibog kon inia, andeka inayokanku in ḻimanea sin mohoromat kon inia.

DONDONG MOḶANTUD 6:10

Ki ine in sia inta namangoi naonda bo bayag doḷo-doḷom, ná kogaga in moḷoben, ná kobayag in mata in singgai? Sia totok in mokoangá, naonda bo tontara mita kokada-kadai in bandera monia.