AYUB 31:12 - Alkitab Singog In Mongondow Masa In Tanaa

¹² Dosa tatua in moyompat naonda bo tuḷú in naraka, bayongan in inta kon inakó nodait tubáannea.

AYUB 31:12 Referans Kwoze

AMSAL 6:27

Degá motaau in intau monompunuk kon tuḷú bo diá mopokak in ḷambungnea?

IBRANI 13:4

Mustibí untuon mako in mangaḻe in tonibuḷoi, tuamai doyowa motonibuḷoi musti mososatiaan tobatú bo tobatú. Sin intau inta mogaid kon mokotor bo inta mononuaḻing in adilonbí i Allah.

MALEAKHI 3:5

Guman i Tuhan Inta Totok in mokawasa, “Akuoi in mamangoibí kon inimu sin mohakim. Akuoi in ḷagidon mobaḻí sakusi kon mososihir mita, kon intau mita inta mototuaḻingan, inta noguman kon uboḷ, inta notombogá kon dodai in nobogoi in gaji kon intau inta sinondanan, inta nondorot kon intau boba-bobay, uno-unon, bo intau ango-angoi, bo kon intau mita inta diá mohoromat kon i-Nakó.”

AMSAL 3:33

Ki Tuhan in mongutuk kon baḷoi in intau moraat, táe momarakatbí kon baḷoi in intau inta motoindudui kon i-Nia.

AYUB 26:6

Kon tayowon i Allah, dunia in intau minatoi nobukat, diá noioḻingoi dá koontongan-Nea.

AYUB 20:28

Bayongan in kaoyúonannea in moinggamábí popisí in torú i Allah.

AYUB 15:30

Sia in diábí moiḷagui kon sindip; tuḷú in momokakbí kon tokatnea mita. Moputúbí in sia in tompot nongkon bibig i Allah.

WAHYU 9:11

Oyúon datu nomarenta kon i monia, datu tatua in ki malaekat inta noḷukad kon irang in popatoi tangoinea aka kon bahasa Ibrani Ki Abadon; bo aka kon bahasa Yunani Ki Apolion (mangaḻenea “Momoguyaat”).

AYUB 31:8

dá biódon mako in intau ibanea mokaan kon onu inta pinomuḷaku, bo bayongan inta pinomuḷaku in mogoguyaat.