AYUB 30:29 - Alkitab Singog In Mongondow Masa In Tanaa

²⁹ Singogku in mokayow mopoigum in tabi ná ombaḷ in ungkú in kayuon bo ḷagapan unta.

AYUB 30:29 Referans Kwoze

MIKHA 1:8

Tuamai in akuoi, ki Mikha, morobonoḷdon in ginaku bo mogamui. Akuoi in mayá takin diá mogiḷambung bo diá in aip in sioḷ sin moponiata kon totok in morobonoḷ in ginaku. Akuoi in mogayowdon naonda bo ungkú in kayuon bo mogayow naonda bo ḷagapan unta.

MAZMUR 102:6

Moropot in karakku; awakku in dongkadon tuḷan binakut in kuḻit.

MALEAKHI 1:3

ki Esau in kinodoí-Ku. Butá tombuḷud i Esau in irimumud-Kudon, bo butánea in inogoi-Kudon kon mahaḷuk mita inta mokokaan kon biag ibanea kon padang gurun.”

MAZMUR 44:19

Gina nami in diábí momayow kon ini-Mu; parenta-Mu in umuranbí pandungon nami.

AYUB 17:14

Poḷoḷobongan kon inakó tangoianku “Ki Amáku”. bo oḷuasi mita mongongarat kon awakku tangoionku “Ki Iná” bo “Ki utatku bobay”.

YESAYA 38:14

Singogku in motoyokdon bo moyangkó, naonda bo ḷagapan tarangkuku mogamui. Mataku in moḷopí popisí in ḷumangag kon ḷangit, Tuhan, poḷuatdon in akuoi nongkon roriga tanaa.

YESAYA 34:13

Purinea mita bo kotánea mita inta oyúon in poḷoḷukadan in kobiagandon in bo bonganga bo bonok, bo pogutunan in ungkú in kayuon bo ḷagapan unta.

MAZMUR 102:7

Akuoi in nádon onda bo ḷagapan undan kon padang gurun, naonda bo ḷagapan monikuḷu kon apug inta noingongow.