AYUB 30:26 - Alkitab Singog In Mongondow Masa In Tanaa

²⁶ Akuoi in mogoḷat mako kon pia bo bayag, táe roriga bo sindipbí in namangoi.

AYUB 30:26 Referans Kwoze

YEREMIA 8:15

Diá in mangaḻenea in kita mogoḷat mako kon dodamean bo wakutu ponompiaan, sin inta oyúon in tongábí aid inta motogat.

YEREMIA 14:19

Tuhan, degá Yohuda in kinodoí-Mudon totok bo intau in Sion kinorongó-Mu? Nongonu sin totokdon in noropot in pinososambok-Mu kon inami nodapot in diádon mopia bui in kami? Diá bidon in mangaḻenea kami in motayak kon dodamean, diádon baragunanea kami in mogoḷat mako kon mopia, sin oyúon in dongka bidon aid inta motogat.

MIKHA 1:12

Anib nongkon i Tuhan in noidapotdon kon tayowon in bonawang in Yerusalem! Tuamai, diábí doman intau in Marot mogoḷatpa mako kon totuḷung.

YESAYA 50:10

Ei moiko inta mohoromat kon i Tuhan, bo inta nokidongog kon tosingogon in mogogundoi-Nea, daḷan inta binayáan monimu degá nosindip, bo diá in sindar inta nonindar kon inimu; táe popirisayadon kon i Tuhan; kadaidon kon i Allahmu.

MAZMUR 97:11

Bayag ain nomuká kon intau inta motuḻid in gina, bo ḷunganga in gina kon intau inta mojujur.

YEREMIA 15:18

Nongonu sin akuoi in umuranbí mororiga? Nongonu sin kekebku in nodaḷombí bo diá mopopia? Degá makusud-Mu moponakit in ginaku naonda bo ongkag inta noingkagdon kon sempo in poninggai?”

AYUB 29:18

Kamangku in mokouḻí kon umur moḷanggó, bo matoi pia-pia mako kon baḷoiku tontaní.

AYUB 19:8

Iḷamboian i Allah in daḷanku, diá motaau tumaḻib in akuoi, lorongku mita binaḻí-Nea nosindip totok.

AYUB 18:18

Nongkon nobayag in sia pinoguntun minayá in sindip; nongkon dunia in intau nobiag inuntun in sia.

AYUB 18:6

Bayag kon bonu in ḷoḷaigannea in mokudowdon; togá ponimbayagnea in diá bidon monindar.

OMBAḶ 3:2

Koyayú-koyayúdon in popogambatan-Nea kon inakó kon bonu in tampat inta totok in mosindip.

YESAYA 59:9

Bangusa tatua in moguman kon i Allah, “Tanaa in kinotaauandon nami kon nongonu sin Iko in diábí noposaḷamat kon inami nongkon intau mita inta nondorot kon inami. Kami in mogoḷat mako kon bayag, táe tongábí oyúon in sindip.