AYUB 30:19 - Alkitab Singog In Mongondow Masa In Tanaa

¹⁹ Akuoi in pinogambat-Nea kon bonu in yoná, akuoi in naonda bo yoyatan!

AYUB 30:19 Referans Kwoze

AYUB 42:6

Tuamai in mooyá in akuoi monorop kon bayongan in tosingogonku bo takin momanasaḷ akuoi in ḻimitú kon butá bo ḷobud.”

AYUB 9:31

Sinagom i Allah in akuoi kon yoyatan, dapot in ḷambungku monganggapdon kon inakó mokorongó.

KINOBAḺIAN 18:27

Ki Abraham in bui noguman, “Ampungaidon akuoi Tuhan, sin akuoi ain noiḷaut nongingguput kon tosingogon-Mu tanaa. Akuoi naa in tongábí intau inta nongkon ḷobud, inta diábí in hak mopoyaput in tosingogon onuka.

YEREMIA 38:6

Bo ginamá monia in akuoi bo sinuntun monag monia in akuoi kon bonu in parigí i Malkia ki adí ḷoḷaki i datu, inta noiukat kon palas in komaḻig. Diábí in tubig kon bonu in parigí tatua, tongá yoná, bo akuoi in noibonu kon yoná tatua.

MAZMUR 69:14

Táe akuoi in nosambayang kon ini-Mu, o Tuhan, o Allah, tubagaipa in akuoi kon tungkuḷ inta mopia. Tuḷungaipa in akuoi podoyon kon tabi-Mu inta moḷoben bo popisí in kososatia-Mu.

AYUB 2:8

Bo ki Ayub iḻimitú kon diug in yoyatan, bo nogamá kon bonsig in posilag sin pongukud kon awaknea.