AYUB 3:10 - Alkitab Singog In Mongondow Masa In Tanaa

¹⁰ Kinutukdon in doḷom mokobodito kon tungkuḷ in akuoi pinononggadí i ináku, bo biódon in mobaba kon roriga.

AYUB 3:10 Referans Kwoze

YEREMIA 20:17

Sin sia in diá noḻimod kon inakó kon tungkuḷ in akuoi kon bonupa in sian, sinbá akuoi in umuranpa kon bonu in sian i ináku bo bobuḷadíannea in mobaḻí poḷoḷobongan kon inakó.

MOHOHUTUBA 11:10

Untundon in ḻia-ḻiaw bo roriga in ginamu, sin wakutumu mobagupa in motoyongbí moitaḻib.

AYUB 10:1

Akuoi in mobú bo morongó kon kobiaganku, dá oumanonkudon in roriga in dimukudku.

SAMUEL 1 1:5

Táe ki Hana in tongá ogoiannea in tongosilai doman sin Ki Tuhan diá nobogoi in adí kon inia. Umpaka natua táe ki Elkana in motabibí totok kon i Hana.

KINOBAḺIAN 29:31

Naonda inontong i Tuhan kon ki Lea in diá totok kinotabi i Yakub ná tabinea kon i Rahel, dá binaḻídon i Tuhan sia bobay inta motaau mopononggadí in adí, táe ki Rahel in binaḻí-Nea bantó.

AYUB 3:9

dika modapot in tundi pariama monindar, dika pomayá mako in sindar doḷo-doḷom monindar! Biódon mako in doḷom tua diá in mangaḻe in pogoḷatan kon koangoian in singgai bo kamang inta mobagu.

AYUB 3:11

Nongonu sin akuoi in diábí minatoi kon bonu in bobuḷadían i ináku, andeka minatoi kon dodai in pinononggadí?