AYUB 29:23 - Alkitab Singog In Mongondow Masa In Tanaa

²³ Bayongan in intau motarima kon singogku mita takin sanang in gina, naonda bo monononggobá motarima kon uyan kon sempo in pononobur.

AYUB 29:23 Referans Kwoze

HOSEA 6:3

Tuamai in koḻigai in kita moḷongasi totu-totuu monotaau kon i Tuhan. Sia in notantúbí kon mamangoi kon i naton naonda bo koangoi in bayag doḷo-doḷom, bo naonda bo uyan inta nomuntad kon butá kon imbuit in pongonguyan.”

ZAKHARIA 10:1

Aka sempodon in pononubú, poigumdon kon uyan kon i Tuhan. Dá sipunondon i Tuhan in goḷom morondí, bo mopoḷabú in uyan morogot dá gobá mita in ḷumunowdon bo moḷumbá kon bayongan in intau.

MAZMUR 72:6

Igumon mako sia in naonda bo uyan inta noḷabú kon rawang, naonda bo uyan morogot inta nomuntad kon gobá mita.

AYUB 29:22

Mopaḷut mako mosingog in akuoi, diá bidon in paraḷu dugangan; tosingogon moitonop naonda bo totuyú in tubig in uyan.

AYUB 29:24

Nomomi in akuoi kon i monia kon dodai in mosia kinobuḻian in kamang; pogotku inta nosanang nokodugang kon ropot monia.

MAZMUR 81:10

Dikabí in oyúon in kon sigadmu in ilah ibanea, dikabí mosumba kon ilah ibanea.

MAZMUR 119:131

Poginaanku in mopoina-inak, popisí in mokotanob kon parenta-Mu.

AMSAL 16:15

Kopopia in gina i datu mokopoangoi kon kobiagan motompia, naonda bo goḷom mopoḷabú in uyan kon tungkuḷ in pononinggai.

YEREMIA 5:24

Diábí kon dodai in onda in kinotoropan monimu in mohoromat kon i-Nakó, bokaka Akuoibí in inta nopoangoi in uyan, Akuoi doman in nobogoi kon inimu in sempo in posipunan kon boyó muḷoi in taong.