AYUB 29:20 - Alkitab Singog In Mongondow Masa In Tanaa

²⁰ Akuoi in tantú dinayow in bayongan intau, bo diá kon dodai in onda nogaat in ropotku.

AYUB 29:20 Referans Kwoze

KINOBAḺIAN 49:24

Táe kokaḷ i Yusup umuran motorindog, umuran moropot in piotnea, sin kawasa I Gombala Inta totok in moropot, ki Allah i Yakub, in Mogogoḻiung in Israel.

YESAYA 40:31

Táe intau inta mopongata kon i Tuhan, in mokouḻí kon ropot mobagu. Mosia in naonda bo ḷagapan boniá inta ḷumayug moonik mopongata in koḻikipnea. Mosia in moribatuk bo diábí moḷopí, mosia in mayá bo diábí moḷungkoyó.

KORINTUS 2 4:16

Manangka intua diábí moḻia-ḻiaw in gina nami. Umpaka kosikisa-sikisadon, táe gina nami in tantúbí toimbaguon pomuḷoi in singgai.

MAZMUR 103:5

Sia inta nopoorop kon kobiaganmu in inta mopia, dá iko in umuran moguod naonda bo ḷagapan boniá.

MAZMUR 18:34

Sia in noporoton in sioḷku naonda bo sioḷ in rusa, bo noḷukad kon kasaḷamatanku kon buḷud.

MAZMUR 3:3

Nobarong in noguman kon ki Allah in doí motuḷung kon inakó.

KINOBAḺIAN 45:13

Potaaudon kon i amá naton kon totokbí in moḷoben kawasaku kon naa, kon Mesir, bo oumandon kon inia in bayongan inta ain inontong monimu. Bo ḷagidon dia mangoi in sia.”

AYUB 29:14

Motuḻid in aidku diábí in noitaḷá; pinosindogku onu inta moadil.

AYUB 19:9

Inagow-Nea komintan in bayongan kapunyaanku, bo tangoiku mopia in pinoguyaat-Nea.