AYUB 28:18 - Alkitab Singog In Mongondow Masa In Tanaa

¹⁸ Hikmat in moḷantu-ḷantud komintan in boḻinea nongkon merjan, kristal, andeka mutiara.

AYUB 28:18 Referans Kwoze

AMSAL 3:15

Hikmat in momaha-mahaḷ nongkon batu permata; bayongan inta koibogmu in diábí mokotongkai kon tua.

YEHEZKIEL 27:16

Mododagang mita nongkon Siria in notaḷui kon pakakat mita inta pinotaḷuimu bo inta nongouḻímu mita inta mobayong tua. Inuboḻian monia in permata nongkon batu zamrud, kaeng nokamumu, kaeng sinujian, linen moaḷus, permata nongkon batu koral bo batu nopura delima.

OMBAḶ 4:7

Dungkuḷmai itoi mita nami in nomurnipabí naonda bo kapot inta nobudó nodarit. Mosia in motorindog bo moropot, nongotariangan mako bo mosehat.

AMSAL 31:10

Buḷoi mopandoi moajarbí in mokouḻí; siabí in momaha-mahaḷ in intan berlian.

WAHYU 21:21

Ngara mopuḷú bodoyowá tatua in mutiarabí inta mopuḷú bodoyowá doman. Pomuḷoi in ngara pinomia nongkon mutiara tobatú doman. Daḷan kon kotá tatua in pinomia nongkon buḷawan taakan, nosilang naonda bo kaca inta mopouḻi-uḻinag.

WAHYU 18:12

Diádon in motaḷui kon buḷawan, saḷaka, permata bo mutiara monia; kaeng moaḷus inta momahaḷ, kaeng nopars, kaeng sutra, bo kaeng inta nopura nogurang; bo norupa-rupamai in bahan inta nongkon kayu inta moḷawádon mouḻí, norupa-rupamaidon in bahan inta nongkon gading, norupa-rupamai domandon in bahan inta pinomia nongkon kayu momahaḷ, inta nongkon tambaga, nongkon uatoi, bo nongkon batu permata.

WAHYU 17:4

Bobay tatua nogi ḷambung in ḷambung nopars bo nopura noguyang, bo iḷambáan in buḷawan mita, permata bo mutiara. Sia in kokada-kadai in tobatú palo buḷawan inta nopuḻing in soaḷ mita inta moraat bo mokotor, bungai mita in aid monia inta mongokotor.

TIMOTIUS 1 2:9

Ná doman tua in bobay donaai poiḻiuon in pomomakeang, paké in ḷambung inta motoinut in ontongon intau, bo inta diá mokooyá. Buok in donaai tuḷa-tuḷapidonmai, donaai mopomaké in buḷawan, mutiara andeka ḷambung inta mongomahaḷ.

MATIUS 7:6

Donaaidon moiko mobogoi in barang inta mokudus kon ungkú. Bo donaai moiko mopogarab in mutiaramu kon boké, sinbá diá tongá rita-ritakannea mako intua bodongka mobuimai moyingki-yingkit kon i monimu.”

AMSAL 8:11

Akuoi naa in hikmat, kon ḻimonikan in berlian; diábí motaau poyotongkaion in onuka in koibogmu.

AMSAL 3:13

Mountungdon totok in intau inta nobaḻí mobijaksana bo nokouḻí kon pomomangaḻe.

AMSAL 20:15

Tosingogon mita inta tombonunea in sinotaau, in momaha-mahaḷbí nongkon buḷawan bo berlian.