AYUB 28:16 - Alkitab Singog In Mongondow Masa In Tanaa

¹⁶ Buḷawan bo permata inta totok in momahaḷ diábí mokotongkai kon boḻinea.

AYUB 28:16 Referans Kwoze

YEHEZKIEL 28:13

Pogogutunanmu in kon Eden, taman i Allah. Pakeangmu iḷambáan in noyagi-yagimai in permata: batu delima bo intan, topas, batu pirus, batu yakut, ratna, cempaka, batu nilam, zamrud bo batu alkali nopura. Ḷambá buḷawanmu in mobayong doman. Pakakat mita tatua in pinomia kon inimu kon singgai iko binaḻí.

YESAYA 13:12

Intau inta posaḷamaton tongá topiḻik, mosia in moyaka-yakagbí nongkon buḷawan taakan.

MAZMUR 45:9

Ḷambungmu nobó in taḷong mobondu, gaharu, bo sondana; mopogogitog in musik kon komaḻig nokopia kon ginamu.

TAWARIKH 1 29:4

Buḷawan inta totok in mopia in noiḻiu kon 100 noton, bo saḷaka totokan in 240 no ton sin pogaip kon dinding in Baḷoi Tuhan, bo pogaip kon pakakat mita inta musti pomiaan in intau mita inta monotaau totok kon oaidan tatua. Dá tanaa in ki inepa in moibog mobogoi in sosumbanea kon i Tuhan takin pia in gina?”

IḶUAIAN 28:20

Kon pipid noginggopat in batu pirus, yakut bo ratna cempaka. Batu permata mopuḷú bo doyowa tatua musti togoton in buḷawan.

AYUB 28:15

Hikmat in diábí motaau in toḻiuan umpakabí buḷawan taakan, bo umpaka doman uboḻian in saḷaka.

AYUB 28:17

Buḷawan andeka posilag moaḷus in diábí motaau poyotongkaionnea, diábí kouboḻian in buḷawan mogurang.

DONDONG MOḶANTUD 5:14

Ḻimanea moropot, nogisising in buḷawan inta iḷambáan in permata, awaknea naonda bo uwaḷa in gajah inta sinabudan in batu nilam.

YESAYA 54:11

Ki Tuhan in noguman, “Ei Yerusalem, kotá inta ukur diá mopia, iko in diádon kodaya bo diádon in moḷoḻipoi. Orotanmu mita in poukatonku bui, mopomaké in batu mita inta koboḻi.

OMBAḶ 4:7

Dungkuḷmai itoi mita nami in nomurnipabí naonda bo kapot inta nobudó nodarit. Mosia in motorindog bo moropot, nongotariangan mako bo mosehat.