AYUB 28:12 - Alkitab Singog In Mongondow Masa In Tanaa

¹² Táe kon onda in motaau potayakan kon hikmat? Kon onda in motaau pobalajaran naton sinbá momangaḻe?

AYUB 28:12 Referans Kwoze

YAKOBUS 1:5

Aka oyúon in kon sigad monimu in diápa totok mobijaksana; yo musti mopoigum kon i Allah, dá ogoianbí i Allah in kabijaksanaan in sia. Sin takinbí pia in gina bo tabi in ki Allah in mobogoi kon batúan in intau.

AYUB 28:20

Kon onda degá in pangkoi in kabijaksanaan? Kon onda in kouḻían naton kon komomangaḻe?

AMSAL 3:19

Pinongin hikmat, ki Tuhan in nomaḻí kon dunia; pinongin pandoi-Nea sinongká-Nea in ḷangit kon tampat-Nea.

KOLOSE 2:3

Ki Kristusbí tua in mobuká kon bayongan pandoi bo pongotahuan i Allah inta koḻipod noibunipa.

YAKOBUS 1:17

Pomuḷoi in oogoi inta mopia bo tombuinag inta mosompurna, namangoibí intua nongkon soroga, pinopoponag i Allah inta nomia kon bayongan inta nobayag kon ḷangit. Sia tua in ki Allah inta diá kon dodai in onda mobaḷui bo diábí doman mokopopisí in mogaid kon inta mosindip.

AYUB 28:28

Ki Allah in noguman kon intau, “Sinbá mokouḻí kon hikmat, ki Allah in musti horomaton monimu. Sinbá momangaḻe, inta moraat musti poyayúon monimu.”

MAZMUR 51:6

Tongábí kon ini-Mu, tongábí kon ini-Mu binaradosa in akuoi, bo pinomiaku in onu inta inanggap-Mu moraat. Dá patusbí hukumon-Mu in akuoi, moadilbí in pononantú-Mu.

DATU MITA IMITÁNEA 3:9

Manangka intua, Tuhan, aka motaau yo ogoiaipa in akuoi in kabijaksanaan inta pakéon kon momarenta kon umat-Mu tanaa takin moadil bo motaau mopoyoposi onda inta mopia bo onda inta moraat. Aka diá natua, yo diábí in akuoi mokoparenta kon umat-Mu inta mobarong naa!”

AYUB 28:11

Modapot kon uḷuan in ongkag mita in pinongaḻiannea, bo nomukayad kon onu inta noiadop.

AYUB 28:23

Tongábí ki Allah in nonotaau kon tampat in hikmat, tongábí Sia in nonotaau kon daḷan mopobayá intua,

MOHOHUTUBA 7:11

Intau nobiag mustibí oyúon in hikmat; hikmat naa in notongkai in budel;