AYUB 27:7 - Alkitab Singog In Mongondow Masa In Tanaa

⁷ Igumon mako musungku in hukumon baḻíon intau inta nogaid kon moraat, bo ḷawangku in bongkugon baḻíon intau inta mokotor.

AYUB 27:7 Referans Kwoze

DANIEL 4:19

Nokodongogmai kon tua, ki Daniel inta dinonoi doman ki Beltsazar, noitaḻikokog bo noitongau notoyong. Dá akuoi, ki Datu Nebukadnezar in noguman kon inia, “Beltsazar, dikabí moḻia-ḻiaw in ginamu popisí in togoindop takin mangaḻenea tua.” Ki Beltsazar in notubag, “Tuangku, mopia-piabí aka kuma bo bayongan inta mobaḻí inta sinoḻindap in togoindop tatua bo moiuma kon musung mita i Tuangku bo deeman kon i Tuangku.

SAMUEL 2 18:32

Ki datu noḻibó kon inia, “Nosaḷamat degá in ki Absalom inta nobagupa in kinobiagannea?” Bo ata tatua in notubag, “Igumon mako in bayongan in musung i Tuang datu, bayongan intau inta nomarontak kon i Tuang Datu in mokorasa doman kon ná inta kinorasaan in intau inta nobagupa in kinobiagan tua.”

SAMUEL 1 25:26

Ki Allah ain nogimaḷow kon i Tuangku motuḻí bo moḻimod kon musung mita i Tuang. Bo tanaa Tuangku, podoyon kon i Tuhan inta nobiag, bobantung naa in mongibot, igumon mako nasib in bayongan musung i Tuangku bo bayongan in intau inta moibog momia kon mokobodito kon i Tuangku in mobaḻídon ná nasib in Nabal.

AYUB 27:6

Akuoi in umuranbí kumadai kon kotoinduduiku, bo ginaku naa in umuranbí doman modarit.

AYUB 27:8

Oyúon degá in kamang kon intau binaradosa kon dodai in ki Allah monuntut kon dimukudnea?

AYUB 31:35

Diá degá in intau in moibog mokidongog kon tosingogonku mita? Mongibot in akuoi kon totuubí intua komintan. Igumon mako ki Inta Totok in mokawasa in motubag kon inakó. Aka kuma bo onu inta pinonapud in musung kon inakó pinais komintan dá koontonganku,