AYUB 25:3 - Alkitab Singog In Mongondow Masa In Tanaa

³ Koiapan degá in malaekat inta nogundoi kon i-Nia? Oyúon degá in tampat inta diá sinindaran in bayag-Nea?

AYUB 25:3 Referans Kwoze

YAKOBUS 1:17

Pomuḷoi in oogoi inta mopia bo tombuinag inta mosompurna, namangoibí intua nongkon soroga, pinopoponag i Allah inta nomia kon bayongan inta nobayag kon ḷangit. Sia tua in ki Allah inta diá kon dodai in onda mobaḷui bo diábí doman mokopopisí in mogaid kon inta mosindip.

MATIUS 5:45

aka moiko mogaid kon natua yo moiko in mobaḻí ki adí mita i Amámu inta kon soroga. Sin ki Allah in mobogoi mata in singgai-Nea kon intau moraat bo kon intau mopia bo Sia doman inta mobogoi in uyan kon intau inta mobanar bo kon intau inta mouboḷ.

WAHYU 5:11

Noiduduimai oyúon in inontongku bui. Akuoi in nokodongog kon singog in malaekat inta ribuan sedang bo jutaanbí in kobayongnea. Mosia in sinimindog iḻimibu kon tampat pomomarentaan bo kon mahaḷuk opat tatua takin itoi mita tatua.

YOHANES 1:9

Bayag totokanea inta monimbayag kon bayongan in intau, mamangoi in dunia.

YOHANES 1:4

Pirman tatua in pangkoi in kobiagan, bo kobiagan tatua inta monimbayag kon intau.

MATIUS 26:53

Andeka iraimumai yo degá Akuoi in diábí motaau mokituḷung kon i Amá-Ku, bá ḷagi-Nea potabá mangoi in noiḻiu kon mopuḷú bodoyowá in tontara malaekat motuḷung kon i-Nakó?

DANIEL 7:10

bo tuḷú ḷumekep nongkon pomomarentaan tatua. Ribuan in intau nogundoi kon i-Nia bo jutaan in intau sinimindog kon tayowon-nea. Onda intua pinangkoidon in sidang pongadilan, bo buk mita in binukádon.

YESAYA 40:26

Ḷangagdon kon ḷangit, bo taridika! Ki ine in nomaḻí kon tundi mita? Sia inta nonompia kon i monia naonda bo tontara, kinotaauan-Nea in kobayong monia, bo mogoiní kon batúannea podudui in tangoinea-tangoinea. Diábí tobatúmai in mobuḻi, popisí in moḷoben totok in kawasa i Tuhan!

AYUB 16:13

Takin diá in tabi umurannea pioton in akuoi, dá noibuntaradon in bonu in sianku.

AYUB 25:4

Degá intau motusi kon mata i Allah? Degá nodarit kon tayowon-Nea?