AYUB 24:5 - Alkitab Singog In Mongondow Masa In Tanaa

⁵ Dá, ki inta nomasiking tua in naonda bo keledai ḷoḷog inta motayak kon kaanon kon rawang bonok; tongábí kon tampat mita tatua in oyúon in kaanon kon i adínea mita.

AYUB 24:5 Referans Kwoze

MAZMUR 104:23

Bo ḷumuaidon in intau sin mogaid kon oaidannea, bo umuran mogaid modapot in ḷoḷabungnea.

OUMAN IN RASUL MITA 23:12

Doḷo-doḷom nobangon monik, intau mita in Yahudi nomangkoidon nosipun kon intau. Bo mosia in nongibot kon diápabí mopongaa-ngaan andeka moponginu-nginum aka ki Paulus in diápa koḻimodan monia.

YOHANES 18:28

Doḷo-doḷompa totok dinia monia in ki Yesus nongkon baḷoi i Kayapas pinobayá kon komaḻig i gubernur. Intau mita in Yahudi in diábí sinumuot kon komaḻig tatua, sinbá mosia in diá monajis podudui in agama monia, sin mosia in tumakindon mokaan kon kaanon in Paska.

ZEPANYA 3:3

Intau mita moḷoben kon kotá mita tatua in naonda bo singa inta moroganggor. Hakim-nea mita in naonda bo serigala mita inta ginogoi; mosia in totok turá nodapot in tuḷan yo diábí in sinaḷáan kaanon mopoikoḷomai.

MIKHA 2:1

Moboditodon in intau mita inta monomayá kon inta moraat kon dodai in mosiug mako kon tosiugan kon tungkuḷ in doḷom, bo mogaid kon tua kon dodai in doḷo-doḷom popisí in oyúon in ropot monia mogaid kon tua.

HOSEA 8:9

Naonda bo keledai ḻindong inta iḷumoḷongon, natuata in intau mita in Israel dinumudui kon ibog mita monia tontaní. Mosia in notayak kon totuḷung nongkon Asyur, bo notaḷui kon yoyobayatan in bangusa mita ibanea.

HOSEA 7:6

Naonda bo tuḷú kon bonu in doḷuong natuata in niat moraat bo torú monia nonombaga kon bonu in gina monia kinoouput in doḷom, bo naonda in doḷo-doḷom sinumagab nobaḻí dokot in tuḷú inta noborambang.

YEREMIA 2:24

bo mayá in padang gurun inta moingongow. Sia in diádon kodomokan aka koyogot in ḷanuan in ibog. Inta mongibog kon inia in diá bidon paraḷu motayak magí mako, sin kon tungkuḷ in ḷanuannea yo sia bidon tontaní in motayak.

AMSAL 4:16

Intau moraat in diábí mokosiug aka diápa mogaid kon inta diá mopia. Mosia in diábí tomposiug aka diápa mokopobodito kon intau ibanea.

AYUB 24:14

Kon dodai in modiug mobayag ki moḷoḻimod in mobangon nongkon pinosiugannea, bo ḷumuai moḻimod kon intau inta moyangkó, bo kon dodai in diápa mobayag, sia in umado-adop naonda bo mononakow.

AYUB 12:6

Táe kobiagan in mogogagow diábí ginogondok; intau inta mokobaḻí monontot kon i Allah, mobiag motompia. Bokaka dewa inta pongata-ngata monia, tongábí ropot monia tontaní.

AYUB 5:5

Onu in batunon monia kon gobánea, nodait kinaan in intau inta diá in bonu in siannea. Nodapot in gandum inta kon yuak in dugi, nodait kinaan in intau inta ginogoi. Kapunyaan bo kaoyúonan monia umuran tarapon mako in intau inta moibog in kapunyaan.

KINOBAḺIAN 27:40

Iko in mobiagdon nongkon pogaidanmu, táe mobaḻí bobantung i ai-aimu, táe aka iko momarontak, yo iko in moipilatdon nongkon kawasanea.”

KINOBAḺIAN 16:12

Táe ki adímu tua in mobiag naonda bo keledai kaḻig, sia in moḷawang kon intau, bo pomuḷoi in intau moḷawang kon inia. Sia in mobiagbí moitondí nongkon bayongan utat bo ginaḷumnea.”

AYUB 24:6

Gobá in intau ibanea pakisabí aidannea; bungai in anggur in intau moraat mustibí sipunonnea.