AYUB 24:4 - Alkitab Singog In Mongondow Masa In Tanaa

⁴ Mosia in mogamá kon hak in intau bogá, dá pakisadon nogadop in intau inta moyangkó.

AYUB 24:4 Referans Kwoze

AMSAL 28:28

Aka intau moraat mongawasa, rayat mogadop; aka intau moraat in moputú, intau inta moadil in mobaḻí itoi.

AMOS 2:7

Mosia in nondorot kon intau moyangkó inta diá mokopongonu bo moposí in intau nobogá. Ki ata monia bobay tobatú in siniugandon i amánea bo i adínea ḷoḷaki, dá nokokotordon kon tangoi-Ku inta motusi.

AYUB 24:14

Kon dodai in modiug mobayag ki moḷoḻimod in mobangon nongkon pinosiugannea, bo ḷumuai moḻimod kon intau inta moyangkó, bo kon dodai in diápa mobayag, sia in umado-adop naonda bo mononakow.

YEHEZKIEL 22:29

Intau mita nooyúon monompobaḻik bo mogagow. Pomiaan monia ibo-ibog in intau bogá bo motayak kon kauntungan kon intau ango-angoi.

YEHEZKIEL 18:18

Noyoḻiudon kon tua ki amánea inta moibog monombuḻitok bo mogagow bo momia kon inta moraat ibanea, in matoibí popisí in dosa mita inta pinomianea tontaní.

YEHEZKIEL 18:12

Sia in monombuḻitokmai kon intau bogá, mogagow, mogamá kon pakakat mita inta nobaḻí tontogot in boboḻian kon inia. Sia in mayá kon kuil mita in intau inta diá nonotaau kon i Tuhan bo nosumba kon berhala inta mokorongó.

YESAYA 10:2

Pinongin aid natua moiko in moḷamboi kon intau bogá mokouḻí kon hak bo koadilan, bo mogagow kon kapunyaan in boba-bobay mita bo uno-unon.

AMSAL 30:14

Oyúon in intau in motayak kon pakéon pongin aid inta moromú; mosia in moraat bo mogagow kon intau bogá bo intau moyangkó.

AMSAL 28:12

Aka intau mopia in mongawasa, bayongan intau in mosanangbí, aka intau moraat in momarenta, yo rayat in mogadopbí.

AMSAL 22:16

Ki ine in moibog mooyúon pongin mondorot kon intau bogá bo mobogoi in tombuinag kon intau nooyúon kon imbuitnea in momalaratbí.

MAZMUR 109:16

Sin intau tatua in diábí kon dodai in onda in mokotorop kon mopoontong in tabi. Sia in momogutú kon intau nobogá bo inta mororiga, bo moḻimod kon intau inta diá mokopongonu.

MAZMUR 41:1

Kon i itoi in mododondong. Mazmur i Daud.

AYUB 31:16

Diápa kon dodai in onda in akuoi in doí notuḷung kon intau inta mokotabi, andeka nopomayá mako kon boba-bobay mita nobiag kinobuḻian in kamang.

AYUB 30:25

Akuoi naa in nongombaḷ noyotakin in intau inta kinoantugan in roriga, bo inta monotabi kon intau inta diá koonu bo onu?

AYUB 29:12

Sin, sinuḷunganku in intau nobogá inta mokituḷung; ná doman tua in intau mita uno-unon inta diá in mototuḷungnea.

AYUB 29:16

Aka kon intau nobogá, akuoi in nobaḻí ki amá; kon intau ango-angoi, akuoi in nobaḻí mododuḷu.

AYUB 31:19

Aka ontongonku in intau inta diá koonu bo onu, inta diá mokotaḷui kon ḷambung,

AMSAL 14:31

Ki ine in mopoaid in mopia kon intau bogá, mohoromat kon i Allahnea; ki ine in mopororiga kon intau moyangkó, mopoompámai kon i Inta nomaḻí kon inia.

AMOS 4:1

Indongogai, ei bobay mita in Samaria inta koḷongó-koḷongó naonda bo sapi mita inta noḷomumu kon Basan! Moiko in mondorot kon intau moyangkó, mogamá kon kapunyaan in intau bogá, bo momakisa kon i buḷoimu sinbá umuran mopooyúon in oinumon mokoḷoḷangu kon inimu!