AYUB 24:23 - Alkitab Singog In Mongondow Masa In Tanaa

²³ Inogoian i Allah in sia in kobiagan motompia, táe umuran iḷukadannea mako.

AYUB 24:23 Referans Kwoze

AMSAL 15:3

Ki Tuhan in nokoontongbí kon bayongan inta nobaḻí kon bayongan in tampat; Sia in noindoibí kon bayongan inta mopia bo inta moraat.

WAHYU 2:23

Dumoduduinea mita in ḻimodon-Kubí doman sinbá kotaauandon in bayongan jamaat kon Akuoibí naa in Sia inta nonotaau kon raian bo gina intau. Bo moiko in tuḻían-Kubí podudui in aid monimu tontaní.

TESALONIKA 1 5:3

Aka intau bo moguman nanaa: “Komintanpabí noaman, diábí in onu bo onu,” dá kon dodai doman tuata kotubuan in onu inta mokoputú kon i monia bo diá tobatúmai in mokoḷagui in mosia. Tua mita in daḻíbí moiangoi naonda bo nakit in mononggadí inta moiuma bobay tobatú inta mononggadí.

LUKAS 12:45

Tongá aka bobantung tatua bo moraat bo mosingog doman kon bonu in gina nanaa, ‘Ki tuangku in diápabí moiangoi,’ bo nomangkoi in sia momongkug kon bobantung mita ibanea ḷoḷaki-bobay bodongka mayá mongaan bo monginum dapot moḷoḷangu,

HABAKUK 1:13

Táe naondabí sin Iko in mokotahangbí in moindoi mako kon intau mita moraat bo moḻingá tatua? Kinotaauanku kon Iko in noiḻiubí kon motusi in moindoi kon aid moraat! Kinotaauanku kon mototukabí in Iko in mokoontong kon aid diá moadil! Dá, nongonu sin Iko in tongábí kibio-biómai kon tungkuḷ in intau motoḷutui irimumud in intau moraat?

AMOS 9:2

Umpakabí mosia tumuot kon dunia in intau minatoi, singkapon-Kubí in mosia. Umpakabí moponik kon ḷangit, poponagon-Kubí in mosia nongkon tua.

AMOS 8:7

Ki Tuhan, Allah in bangusa in Israel, ain nongibot, “Akuoi in diábí mokoimontanmai in mokoḻiong kon aid monia inta moraat.

YESAYA 56:12

Intau mita moḷoḷoḷangu mita tatua in moguman, ‘Igai monginum in kita kon anggur bo monginum modapot in moorop! Ikoḷom in mopia-pia nongkon singgai naa!’ ”

MOHOHUTUBA 8:11

Nongonu sin totuubí mogampang in intau momia kon inta moraat? Popisí in hukuman diá ḷagi popoḷabú.

MOHOHUTUBA 5:8

Modapot in kobiagan i datu noitogotbí kon bungai in boyó.

AMSAL 5:21

Ki Tuhan in moindoibí kon bayongan yagi-yagi inta inaidan in intau. Kon ondaka in intau mayá umuranbí indoian mako i Tuhan.

AYUB 12:6

Táe kobiagan in mogogagow diábí ginogondok; intau inta mokobaḻí monontot kon i Allah, mobiag motompia. Bokaka dewa inta pongata-ngata monia, tongábí ropot monia tontaní.

AYUB 11:11

Kotaauanbí i Allah in intau inta moibog monguboḷ; aid moraat monia modaitbí ontongon-Nea.

AYUB 10:4

Poyoyindoi-Mu in diábí notongkai ná poyoyindoi in intau

AYUB 31:4

Kinotaauanbí i Allah in bayongan oaidku; inontong-Nea in bayongan ḷampangku.

AYUB 34:21

Sia in moindoi mako kon kobobiag in intau, inindoian-Nea in bayongan ḷampangnea.

MAZMUR 119:168

Akuoi in dinumudui kon parenta bo topotundú-Mu, sin inontong-Mu in bayongan in aidku.

MAZMUR 10:5

Intau moraat mokodapot kon bayongan inta iḷongasinea; sia in diábí nonotaau andeka nomangaḻe kon hukum i Tuhan bo mopoompámai kon bayongan in musungnea.