AYUB 23:16 - Alkitab Singog In Mongondow Masa In Tanaa

^16-17 Inta Totok in mokawasa nonginggamá kon bayongan in baraniku. Akuoi in moondok sin ki Allah, deemanbí popisí in sindip, umpaka sindip tua in moḻipung kon inakó, bo mogoḻingoi kon pogotku.

AYUB 23:16 Referans Kwoze

MAZMUR 22:14

Mosia in sinumayow kon inakó takin bibig monia noibukádon mako, naonda bo singa inta noganggor bo modomok.

ULANGAN 20:3

‘Utat mita, indongogai! Singgai in naa moiko mayá moparang. Dika moondok ande kimiot in gina ande motoboḻingo.

YOËL 1:15

Singgai i Tuhan in nodiugdon, singgai inta mokokoningkim; wakutu ki Inta Totok in Mokawasa morimumud.

YESAYA 57:16

Diábí modapot in mononoi Akuoi in mopotaḷá kon umat-Ku, diábí mononoi in tumorú in Akuoi, sinbá mosia in diá kobuḻian in ibog, bokaka Akuoibí in inta nomiag kon i monia.

YESAYA 6:5

Bo akuoi in noguman, “Mobodito! Diádon in kamang kon inakó, sin bibigku in nokotor popisí in dosa, bo akuoi in nogutun kon sigad in bangusa inta natua doman. Umpaka natua, takin mataku tontaní akuoi ain nokoontong kon i Datu, ki Tuhan Inta Totok in mokawasa!”

MAZMUR 88:16

Nongkon nointokanpamai akuoi nororiga bo sinarap mako in popatoi, moyoyigadon totok in akuoi mobaba kon hukuman-Mu.

RUT 1:20

“Dika oiníon ki Naomi in akuoi,” guman i Naomi, “Oinídon in akuoi ki Mara, sin ki Allah Inta Totok in Mokawasa ain nopomayá mako kon inakó nobiag nopuḻing in paitnea.

YEREMIA 51:46

Dikadon moondok andeka moḻia-ḻiaw in gina popisí in habar mita inta dinongog monimu. Pomuḷoi in taong moiwaya in habar inta tongoposi--habar soaḷ aid mokotor kon bonu in butá bo soaḷ datu mita inta mosiparangan.

AYUB 23:15

Popisí in moondok kon i-Nia, nourot in akuoi; aka totok in raionku intua komintan, dá modugangdon in ondokku.

AYUB 16:12

Koḻipod kobiaganku in noaman bo notompia, táe ki Allah in nodaḻí nonubu kon inakó. Sindunku in dinomok-Nea bo pinogambat in akuoi; binaḻínea in akuoi pobobalajaran ponanaan.