AYUB 22:27 - Alkitab Singog In Mongondow Masa In Tanaa

²⁷ Aka iko in mosambayang, Sia in motubag kon inimu, bo iko in motaaudon mogintompod kon bayongan in dandimu.

AYUB 22:27 Referans Kwoze

YESAYA 58:9

Aka moiko mosambayang, indongogan-Ku intua. Aka moiko mokuani kon i-Nakó, tubagan-Ku. Dikadon bui mondorot kon tumpaḷa intau, gogaiaidon in sosaturuan bo tapud.

MAZMUR 116:1

Akuoi in moibog kon i Tuhan, sin inindongogan-Nea in akuoi bo nonaridimai kon oigumku.

MAZMUR 91:15

Aka sia bo mokuani kon i-Nakó, Tubagan-Kubí. Kon tungkuḷ in koantugan in susa, tuḷungan-Kubí in sia; sia in popaḷuputon-Kubí bo ogoian-Ku in kahoromatan.

MOHOHUTUBA 5:4

Mopia-piabí kon diá modandi bo dika in modandi bo diá intompodan.

AYUB 34:28

Mosia in nokopopisí kon inta nobogá morogamui ombaḷ monia inindogogan i Allah.

AYUB 33:26

Aka mosambayang in sia, ki Allah in motabibí kon inia, dá sia in modayow kon i Allah takin ḷunganga in gina bo tompiaandon bui i Allah in kobobiagnea.

YUNUS 2:9

Táe akuoi in mopodondongbí in dodayow mita kon ini-Mu bo moposumba in kuruban kon ini-Mu. Bayongan in dandiku in aidankubí. Ikobí in ki Tuhan inta noposaḷamat.”

MAZMUR 116:14

Akuoi in mogintompodbí kon dandiku kon i-Nia kon tayowon in bayongan in umat-Nea.

MAZMUR 56:12

Akuoi in mopirisaya kon i-Nia, dá diábí in akuoi moondok, intau in diábí mokopongonu kon inakó.

ULANGAN 23:21

Aka moiko nopodandi in onuka kon i Tuhan Allahmu, dikabí in umuran momaḷu-maḷui kon wakutu in mogintompod kon dandi tatua, sin umuranbí tuntuton i Tuhan Allahmu intua, bo baradosaanbí in moiko aka diá intompodan monimu intua.

AYUB 8:6

aka ginamu mojujur, diá in noitaḷá, ki Allah in ḷagibí motuḷung kon inimu, bo mobaḻí tontuḻínea, tonibuḷoimu in buidon tompiaan.

AYUB 11:13

Ayub, daritaidon in ginamu, pomanasaḷdon! Posambayangdon kon i Allah!

AYUB 27:10

Musti in sia mopoimoḷat mako kon kobobiag mopia nongkon i Allah, bo diá moḷopi-ḷopí in mosambayang kon i-Nia.

MAZMUR 61:5

Biódon mako in akuoi kinoouput in kobiaganku mogutun kon ḷoḷaigan-Mu, sinbá moaman kon bonu in oḻiung in koḻikip-Mu.

DATU MITA 2 13:4

Bo ki Yoahas in nosambayang kon i Tuhan, bo inindongogan i Tuhan in sambayang tatua, sin ki Tuhan in nokoontong kon moromúdon totok in pinonondorot i datu in Siria kon intau in Israel.

TAWARIKH 1 4:10

Táe ki Yabes in nosambayang kon i Allah inta sinumba in intau in Israel, kainia, “Oo Allah, barakataidon in akuoi bo pobanatdon in butáku. Oḻiungaidon in akuoi bo poyayúdon in bodito sinbá diá moyoyiga in akuoi.” Bo inindogogan i Allah in igumnea tatua.

TAWARIKH 2 33:13

Ki Allah in nokidongog bo nogaid kon onu in pinoigum i Manasye bo nopobui kon inia minayá in Yerusalem sin momarenta bui. Popisí in onu inta nobaḻí tatua ki Manasye in noyakindon kon ki Tuhan in ki Allahbí.

YEREMIA 29:12

Dá moiko in mokituḷungbí kon i-Nakó. Moiko in mamangoibí mosambayang kon i-Nakó, bo tubagan-Kubí in sambayangmu.