AYUB 22:26 - Alkitab Singog In Mongondow Masa In Tanaa

²⁶ Dá iko in motaaudon umuran mopirisaya kon i Allah, bo monotaaudon kon Sia in nobaḻí pangkoi in kopiaanmu.

AYUB 22:26 Referans Kwoze

YESAYA 58:14

Dá, mopiabí in gina monimu sin mogundoi kon i-Nakó. Baḻíon-Ku in moiko horomaton kon sinangkub in dunia. Moiko in mobiagbí mosanang takin bungai in butá tonsilai i Yakub, mogoguyangmu. Akuoi, ki Tuhan ain nosingog.”

MAZMUR 37:4

Tayakdon in kopiaanmu kon i Tuhan, Pooropon-Neabí in ibog in ginamu.

AYUB 27:10

Musti in sia mopoimoḷat mako kon kobobiag mopia nongkon i Allah, bo diá moḷopi-ḷopí in mosambayang kon i-Nia.

AYUB 11:15

Dá iko in motaaudon tumayow kon kobiagan takin motaba bo moroton; iko in simindog bidon motorindog bo diá bidon umuran moḻia-ḻiaw in gina,

SURAT I PAULUS KON JAMAAT RUM 7:22

Batinku in moibogbí kon hukum i Allah,

MAZMUR 86:4

Tuhan, poḷungangadon in gina in mogogundoi-Mu, sin ginaku in popotayowku kon ini-Mu.

DONDONG MOḶANTUD 2:3

Naonda bo pangkoi in apel kon yua-yuak in pangkoi in kayu kon kayuon, natuata in batoḷ in dodobku kon sigad in ḷoḷaki mita. Mopiabí in ginaku kon siungonnea, bungainea mita noromimit in nanamnea.

MAZMUR 143:8

Pomuḷoi in doḷo-doḷom ponoropdon kon inakó in tabi-Mu, sin kon ini-Mubí in andoḷanku. Tundúdon kon inakó in daḷan inta musti bayáanku, sin kon ini-Mubí in posambayanganku.

AYUB 34:9

Sia in noguman, kon diábí in mangaḻenea aka sia bo moḷongasi mogaid kon ibog i Allah.

MAZMUR 25:1

Mazmur i Daud. Kon ini-Mu, o Tuhan, poyaputku in sambayangku,

YOHANES 1 3:22

Bo onu in igumon naton kon i-Nia, tarimaanbí naton, sin kita in umuran dinumudui kon parenta-Nea mita bo nogaid kon onu inta mokosanang kon gina-Nea.

AYUB 11:17

Kobiaganmu in mobaya-bayagdon nongkon singgai, bo kobiaganmu inta mosindip in nádon onda bo kobayag in sindar doḷo-doḷom.

AYUB 22:25

Pobiódon mako sinbá ki Inta Totok in mokawasa in mobaḻí buḷawanmu, bo saḷakamu inta totok in mopia.

AYUB 33:26

Aka mosambayang in sia, ki Allah in motabibí kon inia, dá sia in modayow kon i Allah takin ḷunganga in gina bo tompiaandon bui i Allah in kobobiagnea.

MAZMUR 119:6

Aka akuoi monaridimai kon bayongan in parenta-Mu, dá akuoi in diábí pokopooyáanmai.