AYUB 22:19 - Alkitab Singog In Mongondow Masa In Tanaa

¹⁹ Intau inta mopia, kumosing takin pia in gina, aka mokoontong kon intau moraat hukumon.

AYUB 22:19 Referans Kwoze

MAZMUR 58:10

Kon dodai in diápa kinotaauan, nodaitdon muna in mosia, naonda bo bonok dugi inta noḷunowpa bo diápa noḷantud nodait pinoḷayug in tompot, naonda bo pinomuḷa noingkag.

MAZMUR 107:42

Intau motuḻid in mokoontong bo mopia in gina, táe intau moraat in sinukuman.

MAZMUR 52:6

Pinongin tosingogonmu mita iko mongakaḷ bo mopoyaat in gina in intau.

WAHYU 18:20

Ei soroga, koḷungangadon kon kinorimumudan in kotá tatua! Ei umat i Allah, rasul mita, bo bayongan in nabi koḷungangadon in gina! Sin ki Allah ain nohukum kon inia saḷaku tontuḻí in aidnea kon i monimu!

AMSAL 11:10

Morame in kotá aka intau mobanar in mokouḻí kon rijiki; intau mita in monggoḷokapbí aka intau moraat in matoi.

MAZMUR 97:8

Intau mita inta nogutun kon Sion bo kon kotá mita in Yohuda in nosanang naonda in nokodongog kon onu inta sinantú i Tuhan.

MAZMUR 48:11

Tangoi-Mu kinotaauandon totok bo dinayow kon sinangkub in butá, Iko in nomarenta nokopoadil.

AYUB 9:23

Aka intau inta diá kotaḷá bo modaḻí matoi, ki Allah in tongábí kumosing.

AYUB 17:8

Intau inta motuḻid, moitaḻikokog bo moherang; intau inta diá kotaḷá, nonganggap kon akuoi naa in diá kotuhan.

MAZMUR 64:10

Bo bayongan in intau angoiandon in ondok; mosia in moraidon kon oaidan i Allah bo mopotaa-taau mako kon onu inta ain inaidan-Nea.