AYUB 21:25 - Alkitab Singog In Mongondow Masa In Tanaa

²⁵ Táe oyúon doman kopopatoinea in diá mopia, diá kon dodai in onda in nokorasa kon mopia.

AYUB 21:25 Referans Kwoze

AYUB 7:11

Tuamai akuoi in diá bidon motaau in tongá kibio-biómai! Pomporí bo pait in ginaku in diábí motaau bunionku. Mustibí in akuoi mobuká kon bibigku, bo mopoḷuai in onu in kon bonu in ginaku.

YEHEZKIEL 12:18

“Ei intau inta ilo-ilow, kogugurdon kon dodai in iko mongaan, bo kourotdon in ondok kon dodai in iko monginum.

MOHOHUTUBA 6:2

Moiḷanuimai ogoian i Allah in kaoyúonan, kahoromatan bo kapunyaan kon intau tobatú, modapot in diádon in koibognea. Táe diá inogoian i Allah in wakutu in sia mopomaké in bayongan inta inogoi tatua. Tompobuinea, intau inta diá kinotaauan-Nea mopomaké in kaoyúonan tatua. Dá tua komintan diá in mangaḻenea bo mokonakit kon gina.

AMSAL 14:10

Ḷunganga andeka robonoḷ in gina in noinonombí kon bonu in dodob; intau ibanea in diábí moitakin mokorasa kon tua.

AYUB 20:23

Kon tungkuḷ in sia diá mogoga-gogai in momonu kon siannea, ki Allah in sinumorúdon totok bo nohukum kon inia.

AYUB 10:1

Akuoi in mobú bo morongó kon kobiaganku, dá oumanonkudon in roriga in dimukudku.

AYUB 9:18

Diábí pinomayá-Nea in akuoi mogina umpaka tongá motoyong; nodapot in pinopoumaan-Nea akuoi in inta mopait totok inta motoyang.

AYUB 3:20

Nongonu sin intau in pinomayábí mako in umuran mobiag mororiga? Nongonu sin bayag in inogoibí kon i monia inta morobonoḷ in gina?

DATU MITA IMITÁNEA 17:12

Boba-bobay tatua notubag, “Pinodoyon kon i Tuhan inta nobiag, Allah inta sinumba i Amá, akuoi in mongibot kon diábí in roti kon inakó. Kon inakó in dongkadon topong torigu toyoyakup kon bonu in palo, bo ḷana in zaitun topilik kon botoḷ. Akuoi in yogot mosipun kon kayu pondungú tanaa sin podungúan kon bahan tongopilikpa tatua, sinbá akuoi bo ki adíku in mongaanpa. Dongkadon tua in imbuitnea in kaanon nami, bo mopaḷut mako kon tua mogoḷatdon mako in kami kon kopatoian.”

SAMUEL 2 17:8

Kinotaauan bidon i Tuang kon ki Daud bo intaunea mita tatua in intaubí mita inta mongotorindog bo mongobarani. Mosia tua in naonda bo kobarani in beruang kobaayan inta kinobuḻian i adínea. Apa doman ki Daud tua in tontara inta kopongalaman inta diábí dodai in onda in mosiug moyotakin in intaunea mita.

AYUB 21:26

Táe kon poḷoḷobongan, mosia in tumpaḷa noiuḻid; iḻibutan in uḷod bo oḷuasi.