AYUB 21:17 - Alkitab Singog In Mongondow Masa In Tanaa

¹⁷ Degá nokoimontandon togá in intau moraat piniongan, bo mosia in kinoantugan in bodito bo roriga? Nokoimontandon degá in ki Allah in sinumorú kon i monia, dá mosia in ihukum-Nea?

AYUB 21:17 Referans Kwoze

LUKAS 12:46

bo ki tuang monia in mamangoi kon singgai andeka wakutu inta diá sinangka-sangka. Bo kinotambakanneamai aidnea natua, yo totokbí in bongkugonnea ná intau mita inta diá mosatia kon i Allah.

MATIUS 25:8

Mongodeaga mita inta bodok noguman kon mongodeaga mita inta mobijaksana, ‘Ogoiaipa in ḷana monimu biar tongá topiḻik, sin togá nami aindon mopiong.’

AMSAL 24:20

Intau moraat in diábí in singgai mopia in kon singgai moiduduimai bo diá doman in kamangnea.

AMSAL 20:20

Intau inta mogodi-godimai kon guyanganea, kobiagannea in moinggamábí naonda bo togá inta mopiong kon doḷom inta sindip.

AMSAL 13:9

Intau mobanar naonda bo sindar inta motarang; intau moraat naonda bo togá nopiong.

MAZMUR 32:10

Intau binaradosa kinoantugan in roriga mobayong; táe intau inta nongamang kon i Tuhan umuranbí iḷukadan in tabi-Nea.

AYUB 18:18

Nongkon nobayag in sia pinoguntun minayá in sindip; nongkon dunia in intau nobiag inuntun in sia.

AYUB 21:30

Guman monia, “Kon singgai ki Allah nopoḷabú in hukuman, intau mita moraat in posaḷamatonbí.”

AYUB 31:2

Onu in inaidan i Allah kon inaton? Naonda in pinototuḻí-Nea kon aid in intau?

AYUB 31:3

Bodito bo roriga in notantúbí kon poangoi-Nea kon intau inta nogaid kon inta moraat!