AYUB 20:19 - Alkitab Singog In Mongondow Masa In Tanaa

¹⁹ Sin sia in mondorot bo mopomayá mako kon intau inta diá koonu bo onu; sia in mogagow kon baḷoi mita inta deeman sia in noposindog.

AYUB 20:19 Referans Kwoze

AYUB 35:9

Intau mita inta dinorot, in kumarakbí; mosia in momaḷú mokituḷung.

AMSAL 14:31

Ki ine in mopoaid in mopia kon intau bogá, mohoromat kon i Allahnea; ki ine in mopororiga kon intau moyangkó, mopoompámai kon i Inta nomaḻí kon inia.

YAKOBUS 5:4

Diá inuboḻian monimu in gaji in intau mita inta nogaid kon gobámu. Tanaa indongogaidon in amui monia! Intau mita inta nosipun kon hasil in gobámu, kinumarak nokituḷung bo karak monia tua ain kinodongogan i Allah, Tuhan inta Totok in Mokawasa.

YAKOBUS 2:13

Sin diábí poontong i Allah in tabi-Nea kon intau inta diá nonotaau in totabian. Táe tabibí in moḷobe-ḷoben nongkon hukuman!

YAKOBUS 2:6

Táe moiko ain noningkuḻe kon intau mita inta nobiag nobogá, bokaka intaubí mita inta nooyúon in mondorot bo mogugut kon i monimu pobayá in pongadilan!

MIKHA 2:9

Bobay mita kon sigad in umat-Ku pinoguntun monimu nongkon baḷoi inta kinotabinea, bo umuran agowon monimu in barakat inta inogoi-Ku kon i adí mita monia.

MIKHA 2:2

Aka mosia moibog in gobá, yo agowon monia. Aka moibog in mosia in baḷoi tobatú, yo tuoton monia. Pinomayá kapunyaan andeka motoḷuadí, diábí in moaman.

YEHEZKIEL 22:29

Intau mita nooyúon monompobaḻik bo mogagow. Pomiaan monia ibo-ibog in intau bogá bo motayak kon kauntungan kon intau ango-angoi.

OMBAḶ 3:34

Aka dimukud naton bo moajar in kon bonu in ponjara,

MOHOHUTUBA 5:8

Modapot in kobiagan i datu noitogotbí kon bungai in boyó.

MOHOHUTUBA 4:1

Onda intua sinaridianku bui in bayongan aid diá moadil inta nobaḻí kon dunia naa. Intau mita inta iroriga nongombaḷ bo diá in moibog motuḷung, popisí in intau mita inta mopororiga tua in kokawasa moḷoben.

MAZMUR 12:5

inta moguman, “Kami in mongawasa takin dilá nami! Onukabí motaaubí singogon nami, bo diábí in mokoḷamboi!”

MAZMUR 10:18

Adí uno-unon bo inta iroriga sinuḷungan-Mu in pelekaranea, sinbá diá in intau mopogogondok kon i monia.

AYUB 22:6

Aka ki utatmu bo diá mokouboḻi kon boḻinea, daitonmu agowon in bayongan in ḷambungnea.

AYUB 18:15

Tanaa in ki inekabí motaaubí in mogutun kon bonu in ḷoḷaigannea, bo kon tua sinabudan in balerang, ponabang kon takitnea.

DATU MITA IMITÁNEA 21:19

bo potaaudon kon inia kon Akuoi, ki Tuhan, in noguman nanaa, ‘Ain noḻimod, mogagowpa doman! Tuamai in dugúmu in diláan in ungkú kon tampat in pinodilaan in ungkú mita kon dugú i Nabot!’ ”

ULANGAN 28:33

Bangusa ango-angoi in mogamádon kon bayongan bungai in boyómu inta nouḻí monimu takin iyumoyiga in nogaid, táe moiko tontaní in diábí mokouḻí kon onu bo onu koḻikudbí in umuran tonggataan bo popoaidan monia in aid moraat.

MAZMUR 12:6

Guman i Tuhan, “Intau nobiag nobogá doroton bo intau mororiga mogamui. Dá tanaa doman Akuoi in namangoi mobogoi in kobiagan moodom inta kinoibog monia.”

AMOS 5:11

Moiko in mondorot kon intau bogá bo gandumnea in agowon monimu. Tuamai in moiko in diábí mogutun kon bonu in baḷoimu mita inta totok in mopia, inta ain pinosindog monimu tatua. Moiko in diábí monginum kon anggur mita nongkon gobá mita in anggur inta pinomuḷa monimu.

AMOS 5:12

Kinotaauan-Ku kon totuudon moḷoben in aidmu moraat bo totuu mobayong in dosamu. Moiko in mondorot kon intau mopia; moiko in motarima kon sogó inta mopomayá mako kon intau bogá inta pinopoaidan in intau diá moadil kon pongadilan.