AYUB 19:6 - Alkitab Singog In Mongondow Masa In Tanaa

⁶ Pokotaaudon kon akuoi naa in koyogot iroriga i Allah, bo dinomok kon bonu in poyogaḷap-Nea.

AYUB 19:6 Referans Kwoze

HOSEA 7:12

Táe pomuḷoi in mosia moitaḻib, taanan-Kubí in pukot bo domokon in mosia naonda bo modomok kon ḷagapan. Akuoi in mohukumbí kon i monia popisí in aid mita monia moraat inta ain kinotaauan-Ku.

YEHEZKIEL 32:3

Kon tungkuḷ in bangusa mita moyosipun, domokon-Ku in iko in landará-Ku, bo pomayá-Kudon mako in bangusa mita tatua mopogambat kon inimu kon toba.

YEHEZKIEL 12:13

Táe pogambat-Kubí in landará-Ku sin podomok kon inia. Bo diaan-Ku in sia kon kotá in Babel, bo kon tua matoi in sia takin diá bidon mokoimontanmai in mokoontong kon kotá tatua.

AYUB 7:20

Ei moḷoḷukadku, morugi degá in Iko popisí in dosaku? Nongonu sin tanáan-Mubí mako in piot-Mu in akuoi? Degá mobogatdon totok in aidku kon ini-Mu?

LUKAS 21:20

“Aka ontongon monimu bo Yerusalem in kopungondon in tontara mita, yo kotaauandon monimu kon diádon moonggot bo poguyaatondon in kotá tatua.

AYUB 3:23

Kobiagan monia moiduduimai in inoḻiungan i Allah, mosia in iḻibu-Nea iḷukadan nongkon posibotak.

AYUB 6:29

Dika mopoaid kon inta diá motuḻid, kosadardon! Dika mopotaḷá kon inakó, akuoi in totuubí kon diá kotaḷá.

AYUB 10:3

Onubí in untungnea aka Iko mopororiga nanaa, bo moḷumbú kon inta pinomia-Mu tontaní? Onubí in untungnea aka tarimaan-Mu in raian bo tomayá in inta mongoraat mita?

AYUB 19:22

Ki Allah tantú mondorot kon inakó; nongonu sin dayananbí monimu in Sia? Diápa degá moguḻí in ibog monimu in moposikisa?

AYUB 30:21

Moraat in pinogogaid-Mu kon inakó, Iritakan-Mu in akuoi takin bayongan in ropot-Mu.

AYUB 40:8

Degá bayowanmu in koadilan-Ku, bo mopobanar kon inimu bo mopotaḷá kon i-Nakó?

AYUB 8:3

Ki Allah in diábí kon dodai in onda in momelung kon koadilan; diábí kon dodai in onda in diá mokoposindog kon inta mobanar.