AYUB 19:18 - Alkitab Singog In Mongondow Masa In Tanaa

¹⁸ Akuoi in siningkuḻe in mongoadí mita kon daḷan; aka akuoi simindog, akuoi kosingan.

AYUB 19:18 Referans Kwoze

DATU MITA 2 2:23

Nopaḷut mako kon tua nobuatdon in ki Elisa nongkon Yerikho minayá in Betel. Kon yuak in daḷan topaanan in mongoadí iḻumuai nongkon kotá bo nopoyagi-yagimai kon inia. “Ei ḷogat, ḷogat, bayádon nongkon naa!” guman monia noropot.

AYUB 30:12

Banselang tatua nondangat kon inakó nongkon muna, bo koḷabúanku in sinomayádon monia.

AYUB 30:1

Táe tanaa akuoi in siningkuḻe in intau mita inta ai-aiku mita. Dungkuḷmai ki amá monia inanggapku diá patus moḷukad kon dombaku moyotakin in ungkú moḷoḷukad.

YESAYA 3:5

Intau mita mosidorotandon. Intau moguod mopoompámai kon guranga, bo intau diá kopangkat mopoompámai kon intau moḷoben.

AYUB 19:17

Ki buḷoiku doídon mokobó kon poginaanku, kiutatku nogaḷum kon iná bo amá morongó in dimiug kon inakó.

AYUB 19:19

Mokoontong kon inakó yobayatku modagin morongó; akuoi sinaḷáan monia inta kinotabiku.

MAZMUR 50:20

Iko in umuranbí moponapud in uboḷ kon ginaḷummu, bo moposingo-singogmai kon i utatmu totok.