AYUB 18:7 - Alkitab Singog In Mongondow Masa In Tanaa

⁷ Ḷampangnea inta mopia mobaḻídon moipape magí-mako; tomayánea tontaní in mokopopisí kon inia moipintud.

AYUB 18:7 Referans Kwoze

AMSAL 4:12

Aka iko mobiag natua, dá diábí in moitongkuḷabot kon inimu kon tungkuḷ in mayá, bo diábí moipintud kon dodai in moribatuk.

MAZMUR 18:36

Tuhan, Iko in noḷukad bo noposaḷamat kon inakó, bo nogopod kon inakó in kawasa-Mu; akuoi in noiḷontú popisí in aid-Mu.

KORINTUS 1 3:19

Sin kabijaksanaan in intau kon dunia naa diábí in baraguna kon i Allah. Kon bonu in Buk Motusi in pinais nanaa, “Ki Allah in mojebak kon intau mita inta mongobijaksana podudui in pandoinea tontaní.”

HOSEA 10:6

Berhala tatua in diaanbí pobayá in Asyur sin ponombuinag kon i datu moḷantud. Israel in dinumudui kon tomayá inta nokopopisí kon in monia pinokopo oyámai bo siningkuḻe.

MAZMUR 33:10

Ki Tuhan in nopogogai kon bayongan in tomayá mita in bangusa mita, Sia in nonginggamá kon niat monia.

AYUB 36:16

Ki Allah in nopoḷuatdon kon inimu nongkon roriga, dá iko in mokorasadon kon kopiaan, bo meja pongongaananmu in mopuḻing in kaanon.

AYUB 20:22

Kon tungkuḷ in mooyúondon totok in sia, roriga bo robonoḷ in ginanea mamangoi moiantug kon inia.

AYUB 15:6

Diá bidon paraḷu in iko poponapudanku bo potaḷáan, sin pinongin tosingogonmu tontaní iko in pinongadu.

SAMUEL 2 17:14

Nokodongogmai kon tua in ki Absalom bo bayongan intau in Israel yo noguman in mosia, “Tonggina i Husai in mopia-pia in tonggina i Ahitopel.” Totuu, ki Tuhan ain nonantú kon mogindiá kon tonggina i Ahitopel inta mopia tatua, sinbá ki Absalom in kotugatandon in bodito.

SAMUEL 2 15:31

Naonda in pinotaaudon kon i Daud kon ki Ahitopel in sinumakin doman kon komplotan i Absalom, nosambayangdon in ki Daud nanaa, “Oo, Tuhan, poigumon mako poyayúon-Mudon in tonggina i Ahitopel!”

DATU MITA 2 6:11

Aidnea tatua totok in nokoyaat kon gina i datu in Siria, dá nogoinídon in sia kon itoi mita in tontaranea bo noḻibó, “Notantú bidon kon sigad naton naa oyúon in nongaḻedow. Ki ine? Potaaudon mangoi!”

AMSAL 11:5

Daḷan kobiagan in intau mopia in tondodaionbí in ginanea inta motuḻid, táe intau moraat in modiabí kon awaknea mayá in korimumudan.

AMSAL 29:6

Intau moraat in moibaaḷ kon dosanea, intau mojujur in mokorasa kon mosanang bo mopia.