AYUB 17:9 - Alkitab Singog In Mongondow Masa In Tanaa

⁹ Intau inta mopia bo inta diá kotaḷá, moyakindon totok kon kobobiagnea mokosanang kon i Allah.

AYUB 17:9 Referans Kwoze

AMSAL 4:18

Daḷan in intau moraat in mosindip ná kon sindip in doḷom. Mosia in moipintud bo moḷabú diá butungonmai monia. Noyotoḻikud kon tua in daḷan inta bayáan in intau mopia in naonda bo kinobukaan in mata in singgai; koonggot-koonggot kobayag-kobayag, modapot in imbuitnea mobayagdon totok.

AYUB 22:30

Ki Allah in motuḷungbí kon inimu aka diá in iko kotaḷá, bo aka mogaid in iko kon inta kinoibog-Nea.”

AMSAL 14:16

Intau mopia in umuranbí mokopoingat bo yumayú kon inta moraat, intau bodok in tumorú totok, bo mokorasa kon moaman.

MAZMUR 84:7

Kon dodai in mosia minayá nongin ḷopá Mononoi, tampat tatua binaḷuian monia nobaḻí bokaká, uyan dungkuḷ nobogoi in barakat totuu mobayong.

KINOBAḺIAN 20:5

Ki Abrahambí tontaní in noguman kon bobay tatua in ki ai-ainea, bo bobay tatua in noguman doman natua. Tua in pinomiakubí takin gina inta modarit, dá diábí in akuoi kotaḷá.”

MAZMUR 73:13

Diábí in mangaḻenea in akuoi moḷukad sinbá ginaku modarit; diábí in mangaḻenea in akuoi yumayú kon dosa.

MAZMUR 26:6

Sinomokanku in ḻimaku nobaḻí tomponuot kon diá kotaḷá, bo minayá noḻibu kon mezbah-Mu, o Tuhan,

YOHANES 1 2:19

Saturu mita i Kristus tua in intaubí mita inta nonaḷámaidon kon i naton naa, lantaran mosia tua in deemanbí totuu intau naton. Aka mosia intau mita naton, tantú mosia in umuranbí noyotakin naton. Natuabí sinbá motarangdon kon i naton kon mosia tua in diábí totu-totuu moibog mopirisaya kon i Tuhan moyotakin naton.

PETRUS 1 1:5

Tua komintan in ogoi kon i monimu, sin moiko in mopirisaya kon i Allah. Moiko iḷukadanbí doman in kawasa i Allah sinbá moiko in motarima kon kasaḷamatan inta sinadiadon bo poponiata kon singgai tumi.

MARKUS 7:2

Mosia in nokoontong kon tongonumai in murí i Yesus in nongaan táe diá muna nonomok, ná inta kon atorang in agama.

MAZMUR 84:11

Mopia-piabí kon tosinggai in kon Baḷoi-Mu dika in toribu nosinggai kon tampat ibanea. Piniḻíku in mobaḻí moḷoḷukad kon ngara in Baḷoi i Allahku dika in mogutun kon baḷoi in intau moraat.

MAZMUR 24:4

Intau inta diá in bogit in raian bo oaidnea, inta diá nongibot ubo-uboḷ bo diá nosumba kon berhala.

YAKOBUS 4:8

Diugaidon in ki Allah, bo ki Allah in dimiugdon kon i monimu. Daritaidon in ḻimamu, moiko inta binaradosa! Bo insilangaidon in ginamu, moiko inta nonanga in gina!

AYUB 31:7

Aka kuma bo akuoi in sinumabatdon kon daḷan inta moitutui, andeka ginaku noibogdon kon inta mokotor, aka ḻimaku bo nogaidon kon dosa,

SAMUEL 2 3:1

Parang kon sigad in intau mita inta moibog kon motoḷuadí i Saul bo intau mita inta moibog kon i Daud tantúpa doman mobaḻí. Ki Daud in kodugang-kodugangdon in ropotnea, bo musungnea in koyangkó-koyangkódon.

AYUB 27:5

Dá, doíbí in akuoi moguman kon totuu in moiko; modapot in matoi umuranbí in akuoi moguman kon akuoi in diá kotaḷá.

AYUB 27:6

Akuoi in umuranbí kumadai kon kotoinduduiku, bo ginaku naa in umuranbí doman modarit.

AYUB 33:9

Iko in noguman, ‘Akuoi in nodarit, diábí in aidku noiḻimpat. Diábí in nokotor bo diábí nogaid kon noitaḷá.

MAZMUR 11:3

Aka dodoyonan in kobobiag in intau posibayá, yo intau mopia in kodaitandon in akaḷ.”

MAZMUR 84:8

Ropot monia in kodugang-kodugang, kon tungkuḷ in minayá in Sion, kon tampat i Allah bayongan in dimukud nokipogontong.

AMSAL 10:25

Aka deḷang mondangat, moyopúdon in intau moraat; táe intau inta motuḻid in gina in umuranbí moroton.

AMSAL 10:30

Intau motuḻid in gina in mobiag moaman bo motompia; intau moraat in diábí mogutun kon butá inta inogoi kon inia.