AYUB 17:14 - Alkitab Singog In Mongondow Masa In Tanaa

¹⁴ Poḷoḷobongan kon inakó tangoianku “Ki Amáku”. bo oḷuasi mita mongongarat kon awakku tangoionku “Ki Iná” bo “Ki utatku bobay”.

AYUB 17:14 Referans Kwoze

MAZMUR 16:10

Sin diábí pinomayá-Mu mako matoi in akuoi; intau inta kinotabi-Mu diábí pinomayá-Mu mako in moyopú.

KORINTUS 1 15:42

Natuata doman kaadaan in intau minatoi inta biagondon bui. Awak inta iḷobong tua in awakbí inta moyoya-yoyang, táe awak inta biagon bui in awakbí inta diá moyoya-yoyang.

YESAYA 14:11

Dungkuḷmai iko in ihoromat in musik bo kecapi, táe tanaa in kon bonudon in tampat moingongow kon dunia in intau minatoi. Uḷod mita in nobaḻí tosiuganmu bo oḷuasi in nobaḻí daingmu.’

MAZMUR 49:9

Onuka in ogoinea diábí mokotugat; moiḻiu in ḷantud in boḻi in tontobut kon nyawanea,

AYUB 30:30

Kuḻitku in irumondí; awakku in nopokak sin pinonik in patú.

AYUB 24:20

Ki inánea tontaní in nokoḻiongdon kon inia, bo oḷuasi mita mongarat kon awaknea. Tangoinea in diá bidon toropon bui; sia in iyompat naonda bo pangkoi in kayu inta noumpag.

AYUB 21:26

Táe kon poḷoḷobongan, mosia in tumpaḷa noiuḻid; iḻibutan in uḷod bo oḷuasi.

AYUB 13:28

Dá noyapakdon in akuoi ná kayu ampod; naonda bo daing kinarat in anoi sinumopad.

AYUB 19:26

Umpaka kuḻitku pinaḻi-paḻían bo nobotak, táe kon dodai in akuoi oyúonpa in awakku, indoiankubí in ki Allah.

AYUB 7:5

Awakku nopuḻing in oḷuasi bo dugú pongukudan; kuḻitku sinompaḻían bo ḷuaian in bobog.

AYUB 25:6

Apadoman intau, ki oḷuasi, ki pangkoḷá! Kon mata i Tuhan, sia in totuubí kon diá koboḻi.”