AYUB 16:8 - Alkitab Singog In Mongondow Masa In Tanaa

⁸ Sia in noḷawang bo nodomok kon inakó. Tanaa in morutukdon totok in awakku, bo kain intau moantó tua in pinoniataan kon akuoi ain binaradosa.

AYUB 16:8 Referans Kwoze

AYUB 10:17

Umuran poangoi-Mu in sakusi moḷawang kon inakó; bo modugangdon moḷoben in torú-Mu kon inakó. Potabá-Mu in tontara mita mobagu sin monubu bo momarang kon inakó.

AYUB 19:20

Awakku dongkadon kuḻit nobakut kon tuḷan. Gogiódon akuoi matoi bo dimukudku in mayá.

RUT 1:21

Kon dodai in akuoi nobuat nongkon naa yagi-yagi in oyúonpabí kon inakó, táe naa in ki Tuhan in nodiadon mangoi in naa kon inakó takin diádon koonu bo onu. Tuamai in dikadon moiko monangoi kon inakó ki Naomi, sin ki Tuhan Inta Totok in Mokawasa ain nohukum kon inakó takin roriga mobarong!”

EPESUS 5:27

Mangaḻenea kon tua, ki Kristus in noposadia in jamaat kinotompia kon tayowon i Allah, takin diá in gaatnea andeka inta motaau hojatan in intau ibanea.

YESAYA 24:16

Nongkon popod in dunia kodongogandon in dondong dodayow kon Israel, bangusa inta motoindudui. Táe moboditodon in akuoi! Moajar in ginaku! Momomaḻidawan tantúpabí momaḻidawan, modapot in modugangdon in toḻidawan monia.

YESAYA 10:16

Popisí in intau in Asyur ain dinumodia, ki Tuhan Inta Totok in mokawasa in mopoangoibí in yampoi in takit sin mohukum kon porwira mita inta mongotorindog. Mosia in ponikonbí in patú totok naonda bo tuḷú inta tantú momokak.

MAZMUR 109:24

Duḷudku in mourot popisí in nopuasa, awakku in irumutukdon totok.

MAZMUR 106:15

Sia in nobogoi kon onu in inigum monia, táe yampoi in takit inta nonubu kon i monia.

AYUB 17:7

Mataku in mobuḷoḷow sin mororiga in ginaku; bayongan in awakku rumutuk in momikir.

AYUB 33:21

Awaknea irumutuk totok, tuḷannea mita in koontongandon komintan.