AYUB 16:16 - Alkitab Singog In Mongondow Masa In Tanaa

¹⁶ Pogotku inumura sin nongombaḷ, kokiap in mataku nobobagá bo inumuḷow.

AYUB 16:16 Referans Kwoze

MARKUS 14:34

Ki Yesus in noguman kon i monia, “Morobonoḷ totok in dodob-Ku, naonda bo matoi in korasaan-Ku. Kon naapa in moiko moyotakin-Ku bo umuran kiḷuka-ḷukadmai!”

OMBAḶ 1:16

Tuamai in noḷabú in ḷuáku, diá in moginrigon kon gina bo moḻipoi. Bangusaku in kinobuḻiandon in bayongan in yagi-yagi, popisí in kawasa in musung in moḷobe-ḷoben.

YESAYA 52:14

Dungkuḷmai nobayong in intau in noitaḻikokog in nokoontong kon inia, pogotnea in pinoguyaat dá deemandon ná pogot in intau.

MAZMUR 102:9

Kinoouput in singgai musung moningkuḻe kon inakó; tangoiku in binaḻí kutuk i intau mita inta tumorú kon inakó.

MAZMUR 69:3

Akuoi in noibonu kon dampaḷ inta modaḷom, diá in pomuntukan. Akuoi in noḷomot kon tubig inta moḻinow, iniḻig in bokoḷ kon dodai in tubig noponik.

MAZMUR 32:3

Kon dodai in akuoi diá mongaku kon dosaku, moḷungkoyódon in akuoi popisí in mogamui kinoouput in singgai.

MAZMUR 31:9

Diábí pinomayá-Mu mako akuoi in dakopon in musung, táe inogoi-Mubí in akuoi maya-mayá mako takin diá in ḷabot.

AYUB 17:7

Mataku in mobuḷoḷow sin mororiga in ginaku; bayongan in awakku rumutuk in momikir.

MAZMUR 116:3

Akuoi in inindoyó in anib in popatoi; popatoi inta mokoondok ain nodomok kon inakó, dá akuoi in inangoian in ḻia-ḻiaw in gina bo moondok.

AYUB 16:20

Akuoi siningkuḻe in yobayatku mita bo kinosingan; koomba-ombaḷ in akuoi bo namangoi kon tayowon i Allah mopoigum in totuḷung.

AYUB 24:17

Aka kon inia, doḷo-doḷom tua in totokbí in mokoondok, táe doḷom inta sindip totok, in mokosanangbí.”