AYUB 16:10 - Alkitab Singog In Mongondow Masa In Tanaa

¹⁰ Bukáan in intau mita koḷobenon in bibig monia sin moningkuḻe kon inakó; akuoi iḻibutan bo putongiku in sinokap.

AYUB 16:10 Referans Kwoze

MAZMUR 35:15

Táe kon tungkuḷ in akuoi nosusa, nopia in gina monia, bo nosipun sin monayow kon inakó. Mosia in mayá moposedo-sedo sin moningkuḻe kon inakó.

MAZMUR 22:13

Naonda bo paanan in bantong, musung noḻipung kon inakó, naonda bo bantong kaḻig nongkon Basan mosia in nongopung kon inakó.

OUMAN IN RASUL MITA 23:2

Táe Imang Moḷoben ki Ananias tua in noguman kon intau mita inta kon diugmai i Paulus kon tokap in bibignea tua.

MIKHA 5:1

Ki Tuhan in noguman, “Ei Betlehem Eprata, iko in kotá tobatú inta nointok kon Yohuda! Táe nongkon inimu posindogon-Kubí mangoi in pongawasa kon Israel inta kinobaḻiannea in nongkon dungkuḷpabímai.”

OMBAḶ 3:30

Umpakabí sinokap bo ginosil, yo tua komintan in tarimaandon naton.

YESAYA 50:6

Inogoiku in ḻikudku kon intau inta nomongkug kon inakó; bo putongiku kon intau inta norabut kon kumiku. Akuoi in diábí nopoḷagui in pogotku kon tungkuḷ in akuoi siningkuḻe bo dinuyáan.

KORINTUS 2 11:20

Tongá pomayá mako monimu aka oyúon in intau mononggata kon i monimu, andeka momakisa moigum bo mogamá kon kauntungan kon i monimu, ande inta monganggap kon mosia in moḷantu-ḷantud nongkon i monimu sahingga in mobarani monokap kon i monimu.

DATU MITA IMITÁNEA 22:24

Dá ki Nabi Zedekia in minayádon dinimiug kon i Mikha bo nonokap kon pogotnea poḷat noguman, “Diábí doman Roho i Tuhan monaḷámai kon inakó bo momaké kon inimu?”

OUMAN IN RASUL MITA 4:27

Sin totuubí kon ki Herodes bo ki Pontius Pilatus aindon noyosipun kon kotá tanaa takin intau mita inta diá nonotaau kon i Tuhan bo intau mita in Israel sin moḷawang kon i Yesus, simpaḷ-Mu inta ain piniḻí-Mu bo inta kinoibog-Mu.

YOHANES 18:22

Naonda in ki Yesus nosingog natua, tobatú pongawal kon diug-Neamai nonokap kon i Yesus bo poḷat noguman, “Mobaranibí totok in Iko in mosingog natua kon i imang moḷoben!”

MATIUS 26:67

Bo dinuyáan poḷat kinoyungkuman monia in pogot-Nea; intau mita ibanea nomongkug doman kon i-Nia,

MAZMUR 94:21

Mosia in noyopopog monayow kon intau motuḻid, bo mopoḷabú in hukuman matoi kon intau inta diá kotaḷá.

MAZMUR 35:21

Mosia in nomaḷú kon inakó bo noguman kon mosia in nokoontongdon kon dodiaku.

TAWARIKH 2 18:23

Dá minayádon in muna in ki Nabi Zedekia dinimiug kon i Mikha bo nonokap kon pogotnea poḷat noguman, “Umpaka Roho i Tuhan nonaḷámai kon inakó bo nosingog pinongin inimu?”

AYUB 16:11

Ki Allah in nobogoi kon inakó kon intau moraat; akuoi pinogonagnea kon kawasa in intau mokotor.

AYUB 30:12

Banselang tatua nondangat kon inakó nongkon muna, bo koḷabúanku in sinomayádon monia.

MAZMUR 3:7

Diábí in akuoi moondok kon ribuan in musung inta mongopung kon inakó nongkon bayongan tampat.

OMBAḶ 2:16

Bayongan in musungmu moindoi kon pogotmu takin rongut, kosingan monia in iko bo monginggoi. Mosia in moguman, “Kotá tatua in iyompatdon nami! Imbuitnea noidapot domandon in wakutu inta inoḷa-oḷat mako nami!”

MAZMUR 22:14

Mosia in sinumayow kon inakó takin bibig monia noibukádon mako, naonda bo singa inta noganggor bo modomok.

MAZMUR 56:6

Kinoouput in singgai musung mopotombauk in pelekaraku, umuranbí in mosia moḷongasi mopobodito kon inakó.