AYUB 15:28 - Alkitab Singog In Mongondow Masa In Tanaa

²⁸ Sia in nogutun notantú kon kotá mita inta ain nogoguyaat, kon baḷoi mita inta diá in mogogutun. Kotá mita tatua ain sinantú kon umuran mobaḻí rumbunnea.

AYUB 15:28 Referans Kwoze

AYUB 3:14

naonda bo datu mita bo pongawasa tungkuḷ intua, inta noposindog bui in komaḻig dungkuḷmai.

MIKHA 7:18

Diábí in Allah ná Iko, o Tuhan, inta mongampung kon dosa in umat inta piniḻí-Mu inta ki agatneapa. Diábí modapot in mononoi tumorú in Iko; táe, mopiabí in gina-Mu in moponiata in tabi-Mu inta diá in obotnea tatua.

MIKHA 3:12

Popisí in aid moraatmu tatua, dá Sion in pajekoon naonda bo gobá, Yerusalem in mobaḻí bontuyungan in apug, bo tombuḷud in Baḷoi Tuhan in mobaḻídon kayuon in bo bonganga.

YEREMIA 51:37

Butá tatua in mobaḻíbí bonturungan in goguyaatnea, pogogadopan in ungkú in kayuon. Mokoningkimbí in intau in moindoi kon inia, bo diábí tobatúmai in intau in moibog mogutun kon tua.

YEREMIA 26:18

“Kon tungkuḷ in ki Hizkia nobaḻí datu in Yohuda, ki Nabi Mikha nongkon Moresyet nopotaau kon rayat in koyow tanaa nongkon i Tuhan Inta Totok in mokawasa, ‘Sion in pajekoon naonda bo gobá in tudunea, Yerusalem in mobaḻí pinosipunan kon apug, bo tombuḷud in Baḷoi Tuhan in mobaḻídon kayuon.’

YEREMIA 9:11

Ki Tuhan in noguman, “Yerusalem in baḻíon-Ku apug tampat pogogadopan in ungkú in kayuon. Kotá mita in Yohuda in moingongowdon, tampat inta diádon pinogutunan.”

AYUB 18:15

Tanaa in ki inekabí motaaubí in mogutun kon bonu in ḷoḷaigannea, bo kon tua sinabudan in balerang, ponabang kon takitnea.