AYUB 15:14 - Alkitab Singog In Mongondow Masa In Tanaa

¹⁴ Degá intau in totokbí in diá kotaḷá? Motaau degá in sia pobanaron kon tayowon i Allah?

AYUB 15:14 Referans Kwoze

MOHOHUTUBA 7:20

Kon dunia naa in diábí in intau diá in bogit; diábí in umuran mogaid kon inta mopia bo diá kon dodai in onda in noiḷaut noiaid kon dosa.

AYUB 14:4

Motaau degá in intau baradosa mokopoangoi kon inta motompod?

AMSAL 20:9

Oyúon degá in intau inta motaau mosingog, “Ginaku in modarit, akuoi in noiḷuatdon kon dosa?”

SURAT I PAULUS KON JAMAAT RUM 7:18

Kinotaauanku bidon, kon bonu in awakku naa, diábí in tobatúmai in mopia, tuabí in tabiat saḷaku intau ilo-ilow. Sin oyúonbí in ibog kon inakó in mogaid kon inta mopia táe diá mokosanggup in akuoi in mogaid kon natua.

MAZMUR 14:3

Táe bayongan in intau ain sinumabat bo moraat, diádon tobatúmai in intau in nogaid kon inta mopia.

DATU MITA IMITÁNEA 8:46

Aka umat-Mu binaradosadon kon ini-Mu – totuu kon diábí in tobatúmai in intau in diá binaradosa – bo popisí in torú-Mu pinomayá-Mudon mako in mosia sinaḷow in musung, bo dinia nobaḻí intau inta sinokodomok kon parang pinobayá in butá ibanea inta moyayú andeka inta modiug,

GALATIA 3:22

Tongá kon bonu in Buk Motusi pinaisdon kon bayongan intau kinawasadon in aid diá mopia. Tuamai totabi inta pinodandi bo inta pinodoyon kon pirisaya kon i Yesus Kristus inogoi kon i monia inta mopirisaya.

YOHANES 3:6

Aka awak naa pinolahirbí in guyanga, táe aka secara rohani yo pinolahirbí in Roho i Allah.

MOHOHUTUBA 7:29

Tongábí naa in nouḻíku: Pinomia i Allah in kita diá noiḻiu bo biasabímai. Táe kitabí tontaní in mopororigamai bo mopoyagi-yagimai.

MAZMUR 51:5

Sin inakukubí in bayongan in taḷáku, dosaku in umurankubí toro-toropon.

TAWARIKH 2 6:36

Aka umat-Mu binaradosadon kon ini-Mu – totuubí kon diábí in tobatúmai in intau kon dunia naa in diá binaradosa – bo popisí in torú-Mu binió-Mudon mako in mosia sinaḷow in musung bo dinia nobaḻí intau inta dinakop pinobayá in butá inta moyayú andeka nodiug,

AYUB 15:13

Iko in sinumorú kon i Allah bo nomayow kon i-Nia.

AYUB 14:1

Nongkon noitondedépamai intau tua in moyangkóbí, diá kodaya; mopoḷok in kobiagannea bo nopuḻing in roriga.

MAZMUR 14:2

Nongkon Soroga ki Tuhan moindoi kon umat intau sin motayak kon intau mobijak inta mosumba kon i-Nia.

MAZMUR 143:2

Akuoi naa in mogogundoi-Mu, dikabí monisig kon inakó, sin diábí in intau in diá kotaḷá in kon tayowon-Mu.