AYUB 15:11 - Alkitab Singog In Mongondow Masa In Tanaa

¹¹ Nongonu sin ḷoḻipoi i Allah in mororigamubí tarimaan? Siningog nami pinongin sabar bo moḷukó pinodoyon kon tangoi-nea.

AYUB 15:11 Referans Kwoze

KORINTUS 2 7:6

Tongá sukur mako, sin ki Allah in tantú nobogoi in gina moropot kon intau inta moompá in dodia; bo pinopoangoi-Nea in ki Kristus, sinbá mosanang totok in gina nami.

AYUB 36:16

Ki Allah in nopoḷuatdon kon inimu nongkon roriga, dá iko in mokorasadon kon kopiaan, bo meja pongongaananmu in mopuḻing in kaanon.

AYUB 15:8

Degá dinongogmu in ki Allah nomia kon tomayá-Nea? Degá tongá iko in oyúon pandoi in intau?

AYUB 13:2

Onu in kinotaauan monimu, kinotaauankubí doman; dikabí kai monimu kamai akuoi in sinaḷowmu.

DATU MITA IMITÁNEA 22:24

Dá ki Nabi Zedekia in minayádon dinimiug kon i Mikha bo nonokap kon pogotnea poḷat noguman, “Diábí doman Roho i Tuhan monaḷámai kon inakó bo momaké kon inimu?”

AYUB 6:10

Aka kon inakó tua in nobaḻíbí ḻipoi in gina; akuoi in motayokbí kon bonu in roriga. Bayongan in parenta i Allah Inta Totok in Mokudus, aindon dinuduianku bo tantúku inindoianmai.

AYUB 23:12

Parenta mita i Allah umuran dinuduianku, ibog-Nea dinuduianku, bo deemanbí ibogku tontaní.

AYUB 36:15

Ki Allah in notundú kon intau pinongin roriga, Pinaké-Nea in roriga sin mopotoingat kon inia.

MAZMUR 77:3

Kon tungkuḷ in mororiga totok akuoi in nosambayang kon i Tuhan; kinoouput in doḷom tonggóonku in ḻimaku kon i-Nia takin diá angoian in bú, táe ginaku in doíbí ḻipoion.