AYUB 14:6 - Alkitab Singog In Mongondow Masa In Tanaa

⁶ Pomayádon mako in sia mogogai, dika tuyayowon in sia; sinbá korasaannea in kobiagannea modapot in mopaḷut in oaidannea.

AYUB 14:6 Referans Kwoze

AYUB 7:19

Degá toonu in Iko mobobui kon inakó, dá moiḻiomdon in akuoi kon ibogku?

MAZMUR 39:13

Indongogaipa kaasí in sambayangku o Tuhan, taridiaipa in oigumku; dikabí kaasí tongá kibio-biómai aka akuoi mongombaḷ. Naonda bo bayongan in mogoguyangku, tongábí motoyong akuoi in moniung kon ini-Mu.

AYUB 10:20

Ah, diádon moonggot bo matoi in akuoi, dá pomayádon mako in akuoi tontaní, sinbá korasaankupa in kobiaganku inta kiagatneapa tanaa.

AYUB 7:16

Moḷopí bo mobú in akuoi in mobiag; moibogdon in akuoi in matoi! Pomayádon mako in akuoi, sin diá in mangaḻe in kinobiaganku.

AYUB 14:7

Oyúonpabí in kamang kon pangkoi in kayu inta ain pinupuḷ; buibí in sia momoḻimping, bo monanga.

YESAYA 16:14

Bo tanaa in ki Tuhan in noguman, “Toḷupa notaong naa, bayongan in kaoyúonan inta pinoyunggaga in Moab in moinggamádon. Rayatnea inta mobayong in mobaḻídon moyakag bo moyangkó.”