AYUB 14:12 - Alkitab Singog In Mongondow Masa In Tanaa

¹² natua doman in intau inta ain minatoi: sia in diá bidon mokobangon bui. Sia in diá bidon mokopondam kon wakutu in ḷangit oyúonpa, diá bidon mobango-bangon nongkon pinosiugannea.

AYUB 14:12 Referans Kwoze

WAHYU 21:1

Bo akuoi in nokoontong kon ḷangit mobagu bo butá mobagu. Ḷangit bo butá inta muna in diádon, takin dagat in noinggamá domandon.

AYUB 3:13

Aka kuma bo kon dodai intua akuoi bo minatoidon, dá nosiugbí in akuoi bo nogogai takin pia-pia,

WAHYU 20:11

Nopaḷut mako kon tua, akuoi in nokoontong kon tobatú tampat pomomarentaan inta nobudó bo inta noḷoben bo Sia in iḻimitú kon tua. Ḷangit bo butá noinggamá nongkon tayowon-Nea, sahingga in diádon bui koontongan.

PETRUS 2 3:7

Táe ḷangit bo butá in umuranpa oyúon in tanaa mako, iḷukadandon in singog i Allah nongkon tuḷu sin popogoḷat kon singgai ponantúan bo koyoyangan in intau mita inta moraat.

EPESUS 5:14

Tuamai singog in nanaa, “Pobangondon, moiko inta nosiug, bo pobangondon nongkon sigad in intau minatoi! Dá sambayanganbí i Kristus in moiko.”

OUMAN IN RASUL MITA 3:21

Sia in mustipabí mogutun kon soroga modapot in ki Allah monoimbagu kon bayongan yagi-yagi ná inta ain pinoguman-Nea kon nabi-Nea mita tungkuḷ intua.

MATIUS 24:35

Ḷangit bo butá in moyoyangbí, táe singog-Ku naa in mononoibí.”

YESAYA 65:17

Ki Tuhan in noguman, “Akuoi in momiabí kon ḷangit inta mobagu bo butá inta mobagu. Onu inta nobaḻí mita koḻipod in koḻionganbí bo diá bidon toropon bui.

YESAYA 51:6

Ḷangagaidon in ḷangit bo indoiai in butá; ḷangit in moinggamábí naonda bo poyok bo butá in mokoyonganbí naonda bo ḷambung noketek, bayongan in intau kon bonunea in matoi naonda bo yongit. Táe kasaḷamatan inta ogoi-Ku in umuranbí mononoi, bo kountungan-Ku in diábí in imbuitnea.

YESAYA 26:19

Umat-Mu inta ain minatoi in mobiagbí bui, awak mita monia in mobiagdon bui. Intau inta ain iḷobong kon bonu in butá in mobiagbí bo morogiow. Naonda bo oḷú inta mokoonow kon butá, Iko in momiag kon umat-Mu inta ain noonggot in minatoi.

AYUB 30:23

Kinotaauanku, dinia-Mu in akuoi kon bonu in dunia in intau minatoi, tampat pinosipunan kon bayongan inta nobiag.

SURAT I PAULUS KON JAMAAT RUM 8:20

Sin bayongan in mahaḷuk pinomayádon mako mogoguyaat, deemanbí popisí in ibognea tontaní, táe popisíbí in pinomayádon mako i Allah natua. Umpaka natua táe oyúonbí in harapan tanaa:

DANIEL 12:2

Mobayong in kon sigad monia inta ain minatoi in mobiag bui; tongosilai in motarima kon kobiagan mononoi, bo tongosilai doman in motarima kon kohohina bo inta mokokoningkim inta mononoi doman.

YESAYA 66:22

Ná ḷangit mobagu bo butá mobagu in monahangbí popisí in kawasa-Ku, natua doman in buímu bo tangoimu in umuranbí oyúon.

MOHOHUTUBA 12:5

Iko moondok in motakod kon tampat moḷantud bo musti umuran mokopoingat in mayá. Buokmu in ubanandon bo sioḷmu in moipape kon dodai in mayá. Dá mobuḻidon in bayongan gina bo ibog. Kita in mopobayá in tampat pogogutunan naton inta imbuitnea, intau mita mononogumatoi bo mogamui kinoouput in bayáan.

MAZMUR 102:26

dungkuḷmai Iko in nomaḻí kon butá; ḷangit in Iko doman kitogi mia.

AYUB 7:21

Diádon degá mokoampung in Iko kon dosaku? Diádon degá in Iko mokopopat kon taḷáku? Diádon moonggot bo akuoi moiuḻid kon bonu in poḷoḷobongan, bo aka tayakon-Mu in akuoi, diá bidon mouḻí-Mu.”

MAZMUR 90:5

Iḷomot-Mu in kami; kami naa in naonda bo togoindop, naonda bo bonok inta nonokat;

AYUB 7:9

Naonda bo goḷom inta ontongon mako bo mayádon, intau in matoi domandon, diá bidon mobui mangoi. Bayongan intau inta nokoimontandon nonotaau kon inia, mokoḻiongdon kon inia bo diá bidon toroponnea bui.

MOHOHUTUBA 11:8

Posukurbí in iko aka modugang in umur. Táe torop, umpakabí moonggot in kobiaganmu kon dunia, yo wakutumubí kon dunia in intau minatoi in moonggo-onggot. Dá, onu in motaau oḷaton mako? Komintanbí parasuma bo diá in mangaḻenea.